გასულ სეზონში რვა თვის განმავლობაში კლუბში ყოფნის გამო "მანჩესტერ იუნაიტედისგან" სერ ალექს ფერგიუსონმა 2 მლნ. ფუნტი მიიღო.

მიუხედავად იმისა, რომ მთავარი მწვრთნელის პოსტი დატოვა, ფერგიუსონი "მანჩესტერ იუნაიტედთან" ურთიერთობით ჯერ კიდევ იღებს მომგებიან შემოსავალს.

2013 წლის ოქტომბრიდან 2014 წლის ივნისამდე 73 წლის შოტლანდიელმა 2.16 მლნ. ფუნტი მიიღო "მანჩესტერ იუნაიტედის გლობალური ელჩის" თანამდებობაზე ყოფნისთვის.

ეს სამუშაო რეგულარულ ხასიათს არ ატარებს, ამიტომ სერ ალექსის ერთ დღიანი სამსახური "წითელ ეშმაკებს" 100 ათასი ფუნტი უჯდებათ.

ასევე ცნობილი გახდა, რომ 2013/14 წლების სეზონში "იუნაიტედმა" 105 ათასი ფუნტი გადაუხადა სერ ბობი ჩარლტონს "კონსულტაციური სამსახურის" გამო.

დევიდ მოიესს, რომელიც მთავარი მწვრთნელის პოსტიდან ნაადრევად გადააყენეს, კლუბისგან კომპენსაციის სახით 4.9 მლნ. ფუნტი ერგო.

წყარო: dailymail