უკანასკნელი ექვსი თვის განმავლობაში ადნან იანუზაი იოჰან კრუიფსა და უეინ რუნის შეადარეს, თუმცა ის ახლა უფრო იორდის გვაგონებს, ვიდრე მის სახელოვან მამას.

ფილ ნევილი კი აცხადებს, რომ "მანჩესტერ იუნაიტედის" ფეხბურთელს აქვს იმის პოტენციალი, რომ მსოფლიოს ერთ-ერთი საუკეთესო მოთამაშე გახდეს.

19 წლის ადნანი ევროპული ფეხბურთის იმედად ითვლებოდა, როცა დევიდ მოიესის ცუდი სეზონისა და გუნდის ფონზე მხოლოდ ის ბრწყინავდა.

იანუზაის 5 წლიანი კონტრაქტი შესთავაზეს - "იუნაიტედი" ამგვარად თავისი ნიჭიერი ფეხბურთელის შენარჩუნებას გეგმავდა, მაგრამ მიმდინარე სეზონმა აჩვენა, რომ ლუი ვან გაალის ხელმძღვანელობის ქვეშ ადნანს სათამაშო პრაქტიკა ნაკლებად ეძლევა.

გასულ სეზონში ფილ ნევილი დევიდ მოიესის სამწვრთნელო შტაბში შედიოდა და იანუზაისთან მუშაობის საშუალება ჰქონდა.

ინგლისელი დარწმუნებულია, რომ ახალგაზრდა ფეხბურთელი "იუნაიტედის" ვარსკვლავი გახდება.

"ჯერ-ჯერობით საუკეთესო კონდიციები ვერ აღიდგინა. ადნანი შესანიშნავი ფეხბურთელი გახდება, ამაში დარწმუნებული ვარ."

"არასაკმარის მატჩებს ატარებს იმისთვის, რომ ფორმა აღიდგინოს." - განაცხადა ფილ ნევილმა.

წყარო: M.E.N.