ზუსად 20 წლის წინ, 25 იანვარს ერიკ კანტონამ "კრისტალ პალასის" გულშემატკივარს "ჭკუა ასწავლა". ამ ქმედებას კი არაერთი ადამიანი გამოეხმაურა.

"რატომ არ გააკეთებ შენს დამპალ სამუშაოს?" - კანტონას ქვემდებაზე გაბრაზებული ალექს ფერგიუსონი და ენდი კოული, რომელმაც მსაჯს მიმართა.

"შე ფრანგო ნაბი***. უკან, საფრანგეთში დაახვიე შენი დედაც" - მათიუ საიმონსი, რომელიც კანტონას მიმართავდა.

"მას შემდეგ თითოეულ სურათში მინახავს, რომ კანტონას თვალები დახუჭული აქვს. ზვიგენი სწორედ ასე იქცევა, როცა ვინმეს მოსაკლავად მიდის." - ჰენრი უინტერი, The Daily Telegraph.

"ის ვეღარასოდეს ითამაშებს" - "კრისტალ პალასის" ფანები.

"მწვრთნელი ყველას სახეს აგვახევს... დიდ პიტს (შმეიხელი), დიდ პალის (პასიტერი), მე, შარპის, პოლ ინსს. როცა ანგარიში გავათანაბრეთ, ჩვენთან მოვიდა და მითხრა: საუთგეიტს ვინ ჯანდაბა მარკირებდა? მე ვუპასუხე: "ერიკი". ის მოტრიალდა და უთხრა: "ერიკ, შენით იმედგაცრუებული ვარ. ასეთ რამეებს არ უნდა აკეთებდე. ვფიქრობდი: "ეს ის არის? ეს ის არის?!" - დევიდ მეი. (სინამდვილეში ფერგიუსონმა მომხდარი მხოლოდ მას შემდეგ გააცნობიერა, რაც დილის 4 საათზე ვიდეოჩანაწერი ნახა.

"დილის 4 საათზე ავდექი და ვიდეოს ვუყურებდი. შემაძრწუნებელი იყო. მას შემდეგ წლები გავიდა, მე კი არც ერთხელ არ მომითხოვია მისთვის ახსნა-განმარტება მოეცა." - ალექს ფერგიუსონი.

"ბუნტის მსგავსი რამ იყო. ასეთი არაფერი მინახავს ფეხბურთში" - სამხრეთ ნორვუდის პოლიციის უფროსი ინსპექტორი, ტერი კოლინსი.

"შე ველურო" - The Sun-ის პირველი გვერდი.

"კანტონა ქომაგს ამტვრევს" - The Daily Star-ის პირველი გვერდი.

"საფეხბურთო ასოციაცია შეშფოთებულია ინციდენტით, რომელიც დღეს ღამით "სელჰურს პარკზე" მოხდა" - დევიდ დევისი, საფეხბურთო ასოციაციის საზოგადოებასთან ურთიერთობის ხელმძღვანელი.

"საფეხბურთო ქომაგების უმრავლესობა ფიქრობდა, რომ შემთხვევის უმეტესი ნაწილი საოცრად სასაცილო გამოდგა." - დენი ბეკერი, Five Live

"დროა ფეხბურთს დავუბრუნდეთ. კანტონა ტოპ-კლასის ფეხბურთელია. ალბათ საუკეთესო უცხოელი ფეხბურთელი მთელს ლიგაში, უკეთესიც კი, ვიდრე კლინსმანი. ის უხეშია, მაგრამ არა იმაზე მეტად, ვიდრე სხვები. მას სურს გაიმარჯვოს თავისთვის და "იუნაიტედისთვის" - რიჩარდ შოუ, "კრისტალ პალასის" მცველი, რომელსაც კანტონამ დაარტყა.

"თოლიები ნავს მხოლოდ იმიტომ მიჰყვებიან, რომ ფიქრობენ, ზღვაში სარდინიებს გადაყრიან." - კანტონას ერთადერთი სიტყვები პრეს-კონფერენციაზე.

"ჩემი საუკეთესო მომენტი? უამრავი გასახსენებელი მომენტი მაქვს, მაგრამ ერთ-ერთი ასეთი ხულიგნისთვის დარტყმა გახლავთ." - კანტონას სიტყვები 2008 წელს.

წყარო: M.E.N.