"მანჩესტერ იუნაიტედის" ყოფილი ფეხბურთელი ქუინტონ ფორჩუნი მიიჩნევს, რომ ლუი ვან გაალმა ტრანსფერებში საკმარისი თანხა დახარჯა. ახლა მის ხელთ არსებულ ფეხბურთელებს განვითარება სჭირდებათ.
"ლუი ვან გაალის განკარგულებაში მაღალი დონის შემსრულებლები და ახალგაზრდა ფეხბურთელები არიან, რომელთა ნიჭი აუცილებლად უნდა განვითარდეს. ჰოლანდიელმა სატრანსფერო ბაზარზე საკმაოდ იაქტიურა და დიდი ფულიც დახარჯა. ბლინდის, როხოს, ერერას, შოუს, დი მარიასა და ფალკაოს შეძენით გუნდი მან მნიშვნელოვნად და ხარისხიანად გააძლიერა."
"ამ სეზონში "იუნაიტედი" საკმაოდ უიღბლო ტრავმებმა დატანჯა. დარწმუნებული ვარ, როგორც კი სიტუაცია დაწყნარდება, ისინ ჩვეულ ფორმაში ჩადგებიან. ვფიქრობ, ეს მხოლოდ დროის საკითხია. მათთან მიმართებაში სულ პოზიტიურად და დადებითად ვფიქრობ, რადგან დარწმუნებული ვარ, გუნდი სტატუსსა და ლიგაში პოზიციას მალევე დაიბრუნებს."– ციტირებს ფორჩუნის სიტყვებს footballexpressnews