"ლივერპულის" ყოფილი ფეხბურთელი და ახლა უკვე "კემბრიჯ იუნაიტედის" მთავარი მწვრთნელი რიჩარდ მანი ლუი ვან გაალის მატჩის შემდგომ კომენტარებს გამოეხმაურა.
შეგახსენებთ, რომ ლუი ვან გაალმა ამ წარუმატებლობაში გაზონის ხარისხი და მსაჯი დაადანაშაულა.
"ყველაფერი ჩვენს წინააღმდეგ იყო. გაზონი ძალიან ცუდი ხარისხის გახლდათ, ჩვენ მოთამაშეებს ასეთ მოედანზე თამაში გაუჭირდათ, რამაც ჩვენ სათამაშო სტილზე დიდი გავლენა მოახდინა. ასეთ მდგომარეობაში ცხადია მასპინძლები უკეთ თამაშობენ. გარდა ამისა შევხედოთ არბიტრსაც- არაფერი შეიცვალა. ასეთი ტიპის მატჩებში მსაჯები ერთნაირები არიან."
ხოლო მანი ვან გაალის კომენტარს ასე გამოეხმაურა:
"ჩვენ არ გვაქვს გაზონის გაუმჯობესებისათვის საკმარისი თანხა. სწორედ ამიტომაც არ ჰგავს ჩვენი მოედანი "ოლდ ტრაფორდს"."
"აგრონომებმა მართლაც შესანიშნავად იმუშავეს, რათა მოედანი რამენაირად გაეუმჯობესებინათ. დიახ მესმის, რომ "იუნაიტედს" აქ თამაში გაუჭირდა, მაგრამ ეს მოედანი ორივე გუნდისათვის ერთი და იგივე იყო."–განაცხადა ინგლისელმა მენეჯერმა.