ხუან მატა ერთი წელია, რაც "ეშმაკია".
ხუან მატა "მანჩესტერ იუნაიტედში" ყოფნის 1 წლის იუბილეს აღნიშნავს და ინტერვიუში პირველ 12 თვეს იხსენებს.
"იუნაიტედის" ფეხბურთელად გახდომა: იმ დღიდან ბევრი მოგონება გამომყვა, მათ შორის სავარჯიშო მოედანზე ჩამოსვლის ხერხის შესახებაც! შევხვდი ფეხბურთელებს, წავედი "ოლდ ტრაფორდზე" - იმ დღეს ყველაფერი დიდებული იყო, რაც ყოველთვის მემახსოვრება.
სარეკორდო შენაძენი: ყველაფრით აღელვებული ვიყავი. თავს ძალიან იღბლიანად გრძნობ, როცა ასეთი ტრანსფერით მოდიხარ და მინდოდა ჩემდამი გამოჩენილი ნდობის სამაგიერო მოედანზე გადამეხადა. კლუბში ყველა დაუჯერებლად დამხვდა - შტაბი, მოთამაშეები, ქომაგები, ყველა, ვინც გუნდში მუშაობს. რა თქმა უნდა, კლუბის მასშტაბები და მსოფლიოში ტრანსფერით ხალხში გამოწვეული ემოციები საოცარი იყო. დაახლოებით ასე: "ვაუ, ეს უზარმაზარი კლუბია."
საუკეთესო მატჩი: არ ვიცი რომელი დავასახელო. ყოველთვის მახსოვს "კარდიფის" წინააღმდეგ ჩატარებული ჩემი პირველი მატჩი. რამდენიმე კარგი მატჩი ჩავატარეთ, ისეთი, როგორიც მიმდინარე სეზონში "ნიუკასლისა" და "ლივერპულის" წინააღმდეგ გამართული შეხვედრები იყო. პირადად ჩემთვის და გუნდისთვის რამდენიმე კარგი მატჩი იყო.
"ოლდ ტრაფორდზე" თამაში: ეს უბრალოდ იქ თამაშის შეგრძნებაა. რამდენიმე კვირის წინ "ლივერპულის" წინააღმდეგ არსებული ატმოსფერო უბრალოდ დაუჯერებელი იყო. როცა მოედანზე გავდიოდით, ვგრძნობდით, რომ საოცარი მატჩი იქნებოდა, რომელსაც მილიონობით ადამიანი უყურებდა.
პირველი გოლი "ვილას" კარში: მარჯვენა ფეხით გავიტანე. მინდოდა გოლის გატანა და ამას რამდენიმე მატჩი მოვანდომე, თუმცა მსურდა რაც შეიძლება მალე გამეტანა. ამის შემდეგ რამდენიმე გოლი კიდევ გავიტანე, ასე რომ, ჩემთვის კარგი დროის დასაწყისი გამოდგა.
საუკეთესო გოლი: მომწონს ორი საჯარიმო გოლი, რომელიც გასულ სეზონში "ნიუკასლსა" და "საუთჰემპტონს" გავუტანე. კარგი გოლები გამოვიდა.
"წითლების" ტურნე: წინასასეზონო ტურნემ მიმახვედრა, თუ რამდენად დიდია ეს კლუბი. როცა ტურნეზე ვიმყოფებოდით, ვხედავდით რამდენი გულშემატკივარი გვყავდა ისეთი გუნდების წინააღმდეგ, როგორიც "რეალი" და "ინტერი" არიან. შტატებში სხვა გუნდებზე მეტი ქომაგი გვყავს. ველოდები, რომ აზიასა და ავსტრალიაშიც ასეა - დაუჯერებელია მხარდაჭერა, რომელსაც მსოფლიოს მასშტაბით ვიღებთ.
ლუი ვან გაალთან მუშაობა: ვფიქრობ, მწვრთნელისგან ყველა ვსწავლობთ. ის დიდებული ადამიანი და დიდებული მწვრთნელია. თამაშის სტილი, რომელიც მას სურს, სწორი არჩევანია - შემტევი სტილი. ეს ნიშნავს, რომ ვცდილობთ ბურთით ბევრი ვიშრომოთ, სივრცეები შევქმნათ, რათა პასები გავაკეთოთ და ფლანგიდან ფლანგზე თამაში გადავიტანოთ. ძალიან მომწონს ფეხბურთის მისებრი ხედვა და თითოეულ ჩვენგანს გვჯერა მისი, შტაბისა და რაიან გიგზის.
საუკეთესო მოგონება: ვიტყოდი, ჩემი პირველი დღე, როცა აქ მოვედი და კიდევ ორ-სამ დღეში დებიუტი. ჩვენ გავიმარჯვეთ, გულშემატკივარმა მატჩის საუკეთესო ფეხბურთელად დამასახელა და იმ დღეს ყველაფერი კარგად იყო.
წყარო:
manutd.com