ურუგვაელი ფორვარდი ფალკაოზე საუბრობს.
"მანჩესტერ იუნაიტედის" ყოფილი თავდამსხმელი დეიგო ფორლანი დარწმუნებულია, რომ რადამელ ფალკაო ჩვეულ თამაშს მალე აჩვენებს. ფორლანი აცხადებს, რომ მუხლის ტრავმის აღმოფხვრის შემდეგ ფალკაოზე ძალიან დიდი ზეწოლაა.
"იუნაიტედის" ექს-ფორვარდი დარწმუნებულია, რომ 28 წლის რადამელი მალე თავად ფორლანისთვის საუკეთესო მაგალითი იქნება. ურუგვაელის თქმით რადამელი ჯერ-ჯერობით ტრავმისგან სრულად არ განკურნებულა.
The National გაზეთის საკუთარ სვეტში ფორლანი აცხადებს:
"მსოფლიო ჩემპიონატის დაწყებამდე ფალკაო დიდი ზეწოლის ქვეშ იყო. მისგან ძალიან სწრაფ დაბრუნებას ელოდნენ. გასული რამოდენიმე თვის განმავლობაში "მანჩესტერ იუნაიტედის" – მსოფლიოში უდიდესი კლუბის მაისურით ფალკაომ ძალიან ცოტა მატჩი ჩაატარა. მისგან დიდ თამაშსა და ბრწყინვალე რეპუტაციას მოელოდნენ ახალ გუნდში. თუმცა ყველაფერი არ მიდის შეუფერხებლად. არავის შეუძლია სერიოზული ოპერაციის შემდეგ მალევე საუკეთესო თამაში წარმოაჩინოს. გამოჯანმრთელების შემდეგ რამოდენიმე თვის განმავლობაში ფეხბრუთელი რეზერვისტთა გუნდში უნდა თამაშობდეს და იქ უნდა აღიდგინოს ფორმა."შეგახსენებთ,ფალკაოს გამოსყიდვა "იუნაიტედს" თითქმის 43 მლნ. ფუნტი დაუჯდება. ნაკლებად სავარაუდოა "იუნაიტედმა" მუდმივი კონტრაქტი გააფორმოს ისეთ მოთამაშესთან, რომელმაც თითქმის 6 თვის განმავლობაში მხოლოდ 3 გოლის გატანა მოახერხა და მას მომდევნო თვეს 29 წელი უსრულდება.
მოგეხსენებათ, დიეგო ფორლანი "იუნაიტედს" 2002 წელს შეუერთდა და ურუგვაელს მანჩესტერული კლუბისათვის პირველო გოლის გასატანად 22 მატჩი დასჭირდა.
შეიძლება ითქვას, რომ "იუნაიტედში" ურუგვაელმა ფეხი ვერ მოიკიდა და ორი წლის შემდეგ "ვილიარეალში" გადაბარდგა. მისი ესპანური კარიერა ნათელი ფერებით დაიწყო. "ვილიარეალიდან" ის მადრიდის "ატლეტიკოში" გადავიდა, სადაც დიეგო ევროპაში და კლუბში ერთ-ერთი საუკეთესო გახდა. "ატლეტიკოდან" წასვლის შემდეგ ეს სტატუსი მადრიდში ახლად გადასულ კოლუმბიელ ფორვარდ რადამელ ფალკაოს ერგო.
"რადამელი გოლების გატანის ხარისხით დაჯილდოვებულია. მას აქვს კარგი ტექნიკა, ძალა, სისწრაფე და ბომბარდირის ინსტიქტი."
"მე თვითონ ფორვარდი ვარ და ვიცი, რომ კვირაში ორჯერ თამაში მას ძალიან უნდა. იჯარით გადასვლა ფეხბურთელს მეტ ვალდებულებასა და პასუხისმგებლობას აკისრებს. როდესაც შენ იჯარით ერთი წლის განმავლობაში აგიყვანენ, თითქმის ყველა მატჩში გოლი უნდა გაიტანო. დარწმუნებული ვარ, რადამელი ამას გრძნობს. მას ამ გუნდში ფეხის მოსაკიდებლად დრო სჭირდება. ის ექსტრა კლასის მქონე ფეხბურთელია."- განაცხადა ფორლანმა
წყარო:
Carrick.ru