"მანჩესტერ იუნაიტედის" ნახევარმცველი, მაიკლ კერიკი აცხადებს, რომ იმედგაცრუებულია "კემბრიჯთან" მატჩით, მაგრამ მისი გუნდი ჯერ კიდევ მონაწილეობს ინგლისის თასზე, რაც მის კმაყოფილებას იწვევს.
"აქ მოსაგებად და მომდევნო რაუნდში გასასვლელად ჩამოვედით, მაგრამ პატივისცემა "კემბრიჯს", მათ ძალიან გაგვირთულეს დავალება. პირველი ტაიმი ძალიან რთული იყო, საკუთარი თავი საუკეთესო მხრივ ვერ წარმოვაჩინეთ, მაგრამ ვფიქრობდი, მეორე ტაიმში ცოტათი უკეთესი ვიქნებოდით და შანსებს შევქმნიდით."
"სხვა დღეს გამარჯვებას მოვახერხებდით. სამწუხაროა, რადგან გასვლა გვინდოდა, მაგრამ ამავდროულად ინგლისის თასზე კვლავ ვთამაშობთ - გადათამაშება უნდა ვითამაშოთ." - განაცხადა კერიკმა.
როცა ჰკითხეს, რატომ ვერ მოახერხა "იუნაიტედმა" მეორე ლიგის გუნდის დამარცხება, მან უპასუხა: "რა თქმა უნდა, შეგიძლიათ უამრავი სახის კითხვა დასვათ იმის შესახებ, თუ რატომ ვერ გავიმარჯვეთ, მაგრამ ეს ინგლისის თასია. გვინახავს აქ მანამდე მომხდარი ამბებიც."
"მათ საქმე გაგვირთულეს, საჯარიმოს კარგად იცავდნენ და თანაც მრავალრიცხოვანი ხალხით"
მოწინააღმდეგის შექების ფონზე კერიკმა განაცხადა, რომ მისმა გუნდმა მომდევნო მატჩში უფრო მეტი სიმწვავე უნდა აჩვენოს.
"ყოჩაღ "კემბრიჯს", ისინი შესანიშნავად იცავდნენ თავს. უკეთესად უნდა ვითამაშოთ და როცა შანსებს შევქმნით, ის უნდა გამოვიყენოთ." - დაასრულა მაიკლმა.