"მანჩესტერ იუნაიტედის" ჰოლანდიელმა მწვრთნელმა ლუი ვან გაალმა "კემბრიჯ იუნაიტედთან" (0:0) მატჩის შემდეგ პრესკონფერენცია გამართა და განაცხადა, რომ ყველაფერი მისი გუნდის წინააღმდეგ იყო.

მიუხედავად მეორე ტაიმში უპირატესობისა, "იუნაიტედმა" გამარჯვება ვერ შეძლო და მალე "ოლდ ტრაფორდზე" ამავე მეტოქესთან მეორე მატჩსაც გამართავს.

ვან გაალის თქმით ყველაფერი მისი გუნდის წინაამდეგ იყო: ცუდი ხარისხის გაზონი, მსაჯი და ექსტრემალურ განწყობაზე მყოფი "კემბრიჯი".

"ყველაფერი ჩვენს წინააღმდეგ იყო. გაზონი ძალიან ცუდი ხარისხის გახლდათ, ჩვენ მოთამაშეებს ასეთ მოედანზე თამაში გაუჭირდათ, რამაც ჩვენ სათამაშო სტილზე დიდი გავლენა მოახდინა. ასეთ მდგომარეობაში ცხადია მასპინძლები უკეთ თამაშობენ. გარდა ამისა შევხედოთ არბიტრსაც- არაფერი შეიცვალა. ასეთი ტიპის მატჩებში მსაჯები ერთნაირები არიან."

"სამწუხაროა, რომ ჩვენ შესვენებაზე უნდა მოგვეცადა, მაგრამ მეორე ტაიმში ჩვენი თამაში მოგვეწონა. სამწუხაროდ ჩვენ გოლის გატანა ვერ მოვასწარით. ჩვენ მოწინააღმდეგე კლუბს პატივი უნდა ვცეთ. "კემბრიჯმა" ძალიან კარგად და ორგანიზებულად ითამაშა. ისინი ბოლომდე იბრძოდნენ და შესაძლოა გოლიც კი გაეტანათ ჩვენთვის."

"ნებისმიერ შემთხვევაში ჩვენ ასოციაციის თასზე ასპარეზობას გავაგრძელებთ. კარიერის მანძილზე არაერთხელ მინახავს თუ როგორ მარცხდებოდნენ დიდი კლუბები "კემბრიჯის" დონის გუნდებთან. "-განაცხადა ვან გაალმა

ასევე ვან გაალმა განაცხადა, რომ ხუან მატასა და უეინ რუნის, რომლებიც გუშინდელ თამაშში განაცხადშიც არ იყვნენ, მან დასვენების საშუალება მისცა.

წყარო: Fapl.ru