"მანჩესტერ იუნაიტედის" ლეგენდარული მცველი, გარი ნევილი, რომელიც ახლა კომენტატორად და საფეხბურთო ექსპერტად მუშაობს, ალბათ ყველას გემახსოვრებათ "ლივერპულისადმი" მისი სიძულვილის გამო.

სკაუზერებს კარგად ახსოვთ ნევილის აღნიშვნა მათ თვალწინ.



თუმცა გარისაც ახსოვს მატჩი, რომელიც მას პირდაპირ ეთერში მიყავდა და მისი ყოფილი გუნდის განადგურება მოსისხლე მტრის წინააღმდეგ "ოლდ ტრაფორდზე" იხილა.

"გასულ სეზონში "ლივერპულის" წინააღმდეგ უკანასკნელ მატჩში, როცა ჯერ კიდევ დევიდ მოიესი წვრთნიდა "იუნაიტედს", ჩემი კომენტატორობისას დაახლოებით ნახევარი საათის განმავლობაში შეამჩნევდით, რამდენად გაბრაზებული ვიყავი. ჩემს ხმაში რისხვის მსუბუქი გამოვლენა შეიმჩნევა, ნამდვილად უკმაყოფილი ვარ. ვბრაზდები, რადგან ძალიან გახსნილად ვთამაშობდით. 4-4-2 სქემით "ლივერპულის" წინააღმდეგ, რომელიც იმ დროისათვის ყველას ერთი მეორის მიყოლებით არბევდა."

"წელს კი მთელი ძალებით ვცდილობდი ემოციების შეკავებას, რადგან ფიზიკურად თამაშზე ვიმყოფებოდი, რუნის გოლი გააქვს, შემდეგ მეორე გოლიც გადის და ვხვდები, რომ ხალხი მომავალი ნახევარი საათის განმავლობაში სიხარულით იხტუნებს. სწორედ ასეთი თამაშები მიყვარს. 3:0 "ლივერპულის" წინააღმდეგ, როცა ჯერ კიდევ ნახევარი საათია სათამაშო დრო - საფეხბურთო სამოთხე გგონია. უბრალოდ შენი მტრის ჭირისუფალს კუბოსთან უერთდები, რომელიც შენსავე მოედანზე დამარხე. არსებობს მატჩები, რომლებიც როგორც ფეხბურთელს გიყვარდება, როცა ხალხის სიხარულის შეგრძნებისგან ტანში ჟრუანტელი გივლის, მაგრამ შემდეგ პროფესიონალურ საქმეს უბრუნდები და იხსენებ რისი მოსმენა სურს ხალხს, ვინც სახლში დარჩა.

"უნდა გახსოვდეს, რომ ქვეყანაში "იუნაიტედის" უამრავი ქომაგია, მაგრამ ყველას არ აინტერესებს იმის მოსმენა, რამდენად კარგები არიან ბიჭები. მათ მხოლოდ ის აინტერესებთ, რამდენად კარგად ან ცუდად ითამაშა მათმა გუნდმა. ეს არის ჩარჩო, რომელშიც საკუთარ თავს ვსვამ. "მანჩესტერ იუნაიტედისა" და "სტოკ სიტის" მატჩი, დამოუკიდებლად იმისა, საშინაოა ის თუ გასვლითი, რთულად წასაყვანი არ არის. მაგრამ თუ "იუნაიტედი" "სიტის" ან "ლივერპულს" ხვდება, ორივე მეტოქესთან მიმართებაში ემოციების კონტროლი უნდა ისწავლო. თუ ვმარცხდებით, უნდა გავიგო სად გავჩერდე, რათა აღგტკინებული ქომაგის ისტერიკაში არ მოვექცე. თუ ვიგებთ, ზედმეტი სიხარული უნდა შევწყვიტო."

გარი ნევილს ქომაგმა შემდეგი ჩანტი მიუძღვნა: "გარი ნევილი - მანკუნიანელი, მანკუნიანელი, მანკუნიანელი. გარი ნევილი - ნამდვილი მანკუნიანელი, ის ვერ იტანს სკაუზერებს."

"ყველამ იცის ვინ არიან "ლივერპულის" ფანები და სიტყვა "სიძულვილი" ძალიან მყარია, მაგრამ მირჩევნია იმას, რასაც ეს სიტყვა აღნიშნავს, იუმორით მივუდგე. ეს მხოლოდ ფეხბურთის ნაწილია და ქომაგებმა ეს სიმღერა ჩემთან მიმართებაში განსაკუთრებულად აქციეს. ვფიქრობ, სამართლიანია. არ ღირს გულ-ხელდაკრეფილი ჯდომა და პასუხისთვის ლოდინი, ამიტომ ჩემის მხრივ, ვცდილობ ყურადღება არ მივაქციო რეაციას, რომელსაც ეს ტექსტი იწვევს.

მომწონს თუ არა ეს ჩანტი? რა თქმა უნდა, ქომაგები ჩემს სახელს 20 წელიწადზე მეტია მღერიან."