ინგლისის ნაკრების ყოფილი თავდამსხმელი ლუი ვან გაალის მუშაობას ცუდ შეფასებას აძლევს და რობინ ვან პერსისა და ხუან მატას თამაშს აკრიტიკებს.

ოუენი ვან გაალს აბრალებს, რომ ჰოლანდიელი ჩემპიონობისთვის ბრძოლას სულაც არ ცდილობს და მისი მთავარი მიზანი ჩემპიონთა ლიგაზე მოხვედრაა.

"ყველა ამბობს, რომ მათ ოთხეულში უნდა დაასრულონ სეზონი და პირველადი მიზანიც სწორედ ეს იყო. მაგრამ ეს არის მინიმალური მიზანი. ოთხეული "მანჩესტერ იუნაიტედისთვის"! მას შემდეგ, რაც 150 მლნ. ფუნტი დახარჯეს, მოიყვანეს ასეთი ფეხბურთელები და აქვთ ასეთი სტადიონი, ისინი 1, 2, ან 3 ადგილს უნდა იჭერდნენ. მესამე ადგილი - სეზონი წარუმატებელია. როგორ ეგუებიან იმ ფაქტს, რომ ასეთი თანხის დახარჯვის შემდეგ ჩემპიონობისთვის არ იბრძვიან? მათთვის ცუდი სეზონია."

ოეუნი თვლის, რომ ვან გაალი "იუნაიტედის" შემტევი პოტენციალის გამოვლენას სრულად ვერ ახერხებს.

"იუნაიტედმა" პრემიერ ლიგაში 36 გოლი გაიტანა, "ჩელსიმ" - 51 სიტიმ" - 45"

ფალკაოს ფიზიკურ მზადყოფნას თითქოს მიკროსკოპის ქვეშ ატარებენ, კოლუმბიელმა "მონაკოდან" გადასვლის შემდეგ მხოლოდ სამი გოლი გაიტანა. თუმცა ოუენი თვლის, რომ ის ერთადერთი არ არის, ვინც კარგ სეზონს ვერ ატარებს.

"არ ვფიქრობ, რომ გუნდის ფორვარდები კარგად თამაშობენ. რობინ ვან პერსი მიყუჩებულია, ხანდახან გოლი გააქვს, მაგრამ აღარ არის ის ფეხბურთელი, რომელსაც ბოლო რამდენიმე წლის განმავლობაში მივეჩვიეთ. იმაში, რომ "იუნაიტედი" ბევრ საგოლე მომენტს ვერ ქმნის, მხოლოდ ფორვარდებს არ ვდებ ბრალს. ფეხბურთელები ერთ მთლიან სისტემად არ თამაშობენ და თუ ასე ხდება, თუ ნახევარდაცვა და თავდასხმა ძლიერ არ ირჯება, გოლებს აუცილებლად გაუშვებ და ამაში მხოლოდ დაცვა არ არის დამნაშავე."

"თუ გუნდში ურთიერთშეთანხმება არ არსებობს, ის გუნდი ბევრ გოლებს ვერ გაიტანს, რადგან ფორვარდები შანსს ვერ იღებენ. მატა და ვან პერსი უფრო მეტად უნდა მუშაობდნენ. მატა საშუალო სეზონს ატარებს, საკუთარ თავს მის ქომაგს ვერ ვუწოდებდი. ეშლი იანგი ვინგბექის პოზიციაზე შესანიშნავად თამაშობს, მაგრამ შემადგენლობაში მოხვედრას ყოველთვის ვერ ახერხებს: ახლა გუნდს ბალანსთან დაკავშირებული პრობლემებიც აქვს."

წყარო: carrick.ru