ბრიტანული გამოცემა, Daily Mail, იუწყება, რომ "ოლდ ტრაფორდზე" რეგულარულად შეინიშნებიან თაგვები. მოედნის ხელმძღვანელობამ იცის ამ პრობლემის შესახებ, თუმცა დაუპატიჟებელი სტუმრების განდევნა ვერ ხერხდება, რადგან მათ ნაგებობის გარკვეული ადგილები უკვე კარგა ხანია სამფლობელოდ აქვთ ქცეული.

ხელმძღვანელობა ფაქტს ადასტურებს, თუმცა ამავდროულად აცხადებს, რომ სამზარეულო, საკუჭნაო და საკვები დაწესებულებები, რომლებიც "ოლდ ტრაფორდის" ტერიტორიაზე მდებარეობს, მკაცრი კონტროლის ქვეშაა და ამ ადგილებში ჰიგიენა უმაღლეს დონეზეა დაცული.

ეს პრობლემა უცხო ნამდვილად არ არის "ეშმაკებისთვის". მღრღნელები 2006,2010 და 2012 წლებშიც აქტიურად "ესწრებოდნენ" "იუნაიტეის" საშინაო მატჩებს და არა მარტო.

თაგვები, მანჩესტერულ დერბიში:



ჩვენი გვერდის გუნდმა საინტერესო ანალიზი გააკეთა და ასეთი შედეგი მიიღეს:

• 2006 წელს პრემიერ ლიგის გამარჯვებული გახდა "ჩელსი", ხოლო მომდევნო სეზონში-"იუნაიტედი"
  
• 2010 წელს პრემიერ ლიგის გამარჯვებული გახდა "ჩელსი", ხოლო მომდევნო სეზონში-"იუნაიტედი"
  
• 2012 წელს პრემიერ ლიგის გამარჯვებული გახდა "მანჩესტერ სიტი", ხოლო მომდევნო სეზონში-"იუნაიტედი"
  

ამის საფუძველზე შეგვიძლია ვივარაუდოთ, რომ მიმდინარე სეზონში ინგლისის უმაღლესი ლიგის ტიტულს, "ჩელსი"-"სიტის" წყვილისგან რომელიმე მოიგებს, ხოლო მომავალ სეზონის ბოლოს კი - ცხრილის სათავეში "იუნაიტედი" მოგვევლინება.

ეს ხუმრობით, თუმცა თუკი ეს ხუმრობა მომავალ წელს ცხადად იქცევა მგონი არცერთი თქვენგანი უკმაყოფილო არ დარჩება.





წყარო:carrick.ru