ბებე აცხადებს, რომ მას ბოლომდე ეგონა "იუნაიტედის" ინტერესი ხუმრობა იყო და ისინი 7.4 მილიონს არ გადაიხდიდნენ მასში.

24-წლის პორტუგალიელი, რომელიც 2010 წელს "ოლდ ტრაფორდზე" "ვიქტორია დე გუიმარესიდან" გადაბარგდა, ირწმუნება რომ სერ ალექსს მისი თამაში არასდროს უნახავს და სკაუტის სიტყვებს პირდაპირ ენდო.

ბებემ მხოლოდ 7-ჯერ მოირგო "იუნაიტედის" მაისური და 3 წლის განმავლობაში "ბეშიქთაშში", "რიო ავეში" და "პაჩოს დე პერეირაში" იქნა განათხოვრებული, 2014 წელს კი საბოლოოდ დატოვა გუნდი სამშობლოში, კერძოდ "ბენფიკაში" დაბრუნდა.

"მე გუნდთან კონტრაქტი მაკავშირებდა, რომლის თანახმადაც მსურველს 7.4 მილიონი უნდა გადაეხადა, 2 დღის განმავლობაში რამდენიმე გუნდს სურდა ჩემი აყვანა. შემდეგ "იუნაიტედში" წამოვედი, მეგონა ისინი ხუმრობდნენ."- განუცხადა ბებემ ერთ-ერთ ესპანურ გამოცემას.

"ფერგისთან მუშაობისას ბევრი რამ ვისწავლე. რა არ იყო ისე როგორც საჭიროა? მე ვიყავი მარტო. მჭირდებოდა მეტი გამოცდილება, რათა კონკურენციისთვის გამეძლო.

მანჩესტერში სულ მარტო ვიყავი 19-წლის ასაკში. მე გავიზარდე და უკეთესი გავხდი."


წყარო:goal.com