კრის სმოლინგი აცხადებს, რომ ლა ლიგაში ასპარეზობა, წარმატება და გამოცდილება ვიქტორ ვალდესსა და ანხელ დი მარიას "მანჩესტერ იუნაიტედის" გამოადგება.

ვალდესმა, რომელიც "იუნაიტედმა" იანვარში შეიძინა, "კამპ ნოუზე" 12 სეზონი გაატარა და კლუბთან ერთად 23 ტიტული მოიპოვა, მათ შორის ჩემპიონთა ლიგის სამი თასი.

ამავდროულად, დი მარია მსოფლიოს ერთ-ერთი საუკეთესო შემტევი გახდა და მადრიდის "რეალს" ჩემპიონთა ლიგის მეათე ტიტულის მოპოვებაში დაეხმარა. დი მარია მცირე ხნის წინ ფიფა-ს სიმბოლურ ნაკრებში შევიდა, რაშიც არა მარტო საკლუბო, არამედ მსოფლიო ჩემპიონატზე სანაკრებო წარმატება დაეხმარა.

მიუხედავად იმისა, რომ სმოლინგს ვალდესთან არც თუ დიდი დრო აქვს გატარებული ერთ გუნდში, ის არა მარტო ესპანელის წარსულით, არამედ ამჟამინდელი მდგომარეობითაც მოიხიბლა.

"ვალდესი არის ადამიანი, ვისაც კარიერული წარმატებით ვუთანაბრდებით, მაგრამ შეიძლება ითქვას, რომ მას ჯერ კიდევ არ უთქვამს საბოლოო სიტყვა. ვარჯიშებზე 100%-ით იხარჯება, ვიქტორი ძალიან სწრაფია. დიდებულია, რომ ჩვენთან მოხვდა, ამას იმსახურებს. ვიქტორისგან უამრავი ისტორია მოვისმინეთ და უამრავი კითხვა დავუსვით. "ბარსელონა" კიდევ ერთი დიდი კლუბია და მაინტერესებს ევროპულ ფეხბურთში რა ხდება" - განაცხადა სმოლინგმა.

როგორც ფეხბურთელი და გულშემატკივარი, კრის სმოლინგი მოხარულია ისეთ ნიჭიერ ფეხბურთელთან თამაშით, როგორიც ანხელ დი მარიაა.

"ვფიქრობ, ანხელი არის ფეხბურთელი, რომელიც ნებისმიერ ქომაგს სურს თავის საყვარელ კლუბში იხილოს და მსოფლიოს ნებისმიერი ფეხბურთელი ინატრებდა მასთან ერთად ერთ გუნდში თამაშს. გაგვიმართლა, რომ ის შევიძინეთ. გასულ სეზონში "რეალში" მისი თამაში შესანიშნავად მახსოვს - მოედანზე შესანიშნავად გადაადგილდებოდა და გუნდს არაერთი გოლი მოუტანა. ანხელი განსაკუთრებული ფეხბურთელია." - დაამატა სმოლინგმა.

წყარო: carrick.ru