სერ ალექს ფერგიუსონმა მას ინგლისის საუკეთესო ნახევარმცველი უწოდა, მაიკლ კერიკი კი აცხადებს, რომ მოხარულია კლუბის ერთ-ერთი ყველაზე ასაკოვანი ფეხბურთელის სტატუსითა და მასზე დაკისრებული მოვალეობით.
"მანჩესტერ იუანიტედის" მთავარმა მწვრთნელმა დარენ ფლეთჩერთან ერთად მაიკლ კერიკს უეინ რუნის ასისტენტობა დაავალა როგორც მოედანზე, ისე მის ფარგლებს გარეთ. ეს კი არის ვალდებულება, რომელსაც კერიკი სიამოვნებით ასრულებს და აცხადებს, რომ გუნდური მიღწევები გაცილებით მნიშვნელოვანია მისთვის, ვიდრე პირადი.
"ვიცე-კაპიტნობის შესახებ მწვრთნელი მესაუბრა და დიდებულია, რომ ჩემს შესახებ ასე ფიქრობს."
"ბუნებრივია, რომ მე გუნდში ერთ-ერთი ყველაზე ასაკოვანი და უფრო გამოცდილი ფეხბურთელი ვარ. გუნდს ერთხელ ვუკაპიტნე, როცა რუნიმ დეკემბერში "სტოკის" წინააღმდეგ მატჩი გამოტოვა, მაგრამ ეს არც ყველაფერია და არც არაფერი."
"ეს გუნდთან ერთად რაღაცის მიღწევაა, რაც ჩემთვის ბევრს ნიშნავს და მიხარია, რომ ის სცნეს." - განაცხადა კერიკმა.