"მანჩესტერ იუნაიტედის" მთავარმა მწვრთნელმა, ლუი ვან გაალმა ადნან იანუზაის განუცხადა, რომ იგი მის გეგმებში არ შედის, მაგრამ კლუბი ახალგაზრდა ბელიგიელს ამშვიდებს და მოთმინებისკენ მოუწოდებს.

წარმატებული 2013-14 სეზონის შემდეგ, იანუზაის ლეგენდარული რაიან გიგზის 11 ნომრიანი მაისური გადაეცა, მაგრამ მიმდინარე სეზონში მისთვის საქმეები სხვაგვარად წარიმართა. ამასთანავე სრულიად გასაგებია, რომ იანუზაი მოითხოვს სათამაშო დროს და არაა გამორიცხული დათანხმდეს წინადადებას დევიდ მოიესთან მუშაობაზე ესპანეთში, ან სულაც "ასტონ ვილას" რიგებში ვიხილოთ, ვინაიდან ეს კლუბი იანუზაის მიმართ ინტერესს იჩენს ბოლო დღეებში. ასევე ცნობილია, რომ ბელგიელის მსურველთა რიგებს "პორტუც" მიემატა, თუმცა როგორც უკვე ვთქვით, იანუზაის მოთმინებისკენ მოუწოდებენ.

ვან გაალი, რომელმაც სეზონი 3-5-2 ტაქტიკით დაიწყო და ტრავმების დამსახურებით 4 მცველზე გადავიდა, ვერ ხედავს იანუზაის ადგილს მის მიერ ნათაყვანებ ტაქტიკაში. ბელგიელმა ზედიზედ ოთხი მატჩი ჩაატარა ოქტომბრიდან ნოემბრის შუა რიცხვამდე, თუმცა ისევ 3-5-2 სისტემაზე გადასვლამ იგი შემადგნლობის მიღმა დატოვა.


"იუნიატედის" ყოფილი მწვრთვნელი, დევიდ მოიესი, რომელიც გასულ წელს, აპრილში გამოეთხოვა თავის პოსტს, იანუზაის დიდი მხარდამჭერია და სურს რომ თინეიჯერი ბელგიელი იხილოს მისი ახალი გუნდის რიგებში. ასევე "ასტონ ვილა", სადაც არენდით უკვე იმყოფება ტომ ქლევერლი, გამოთქვამს სურვილს იანუზაის გადაბირებისა, ვინაიდან ამ კლუბს ბოლო 5 მატჩია გოლი არ გაუტანია, და გასავარდნი ზონიდან თავის დაღწევას ცდილობს.

წყარო: Goal.com