ცნობილმა ბრიტანელმა მოკრივემ ენტონი კროლამ რთულ პერიოდში მხარდაჭერისათვის "მანჩესტერ იუნაიტედს" მადლობა გადაუხადა.
28 წლის სპორტსმენს თავს მძარცველები დაესხნენ. მათთან დაპირისპირების შედეგად კი მან თავის ქალას და ტერფის ძვლების მოტეხილობა მიიღო, რის შემდეგაც კროლას 12 ნაკერი დაადეს.
"იუნაიტედისგან: საჩუქარი საავადმყოფოდან გაწერიდან დაახლოებით ერთი საათის შემდეგ მივიღე. მათ უეინ რუნისა მაისური მისახსოვრეს, რომელზეც გუნდის ყველა მოთამაშისა და მწვრთნელების ხელმოწერა იყო დართული. ვფიქრობ ჩემი მეგობარი გოგონა, ფრენი მოხარული იქნება, თუ ამ სუვენირს ჩვენი ოთახის ერთ–ერთ კედელს დავუთმობთ."
ასევე კროლამ იმაზე ისაუბრა, რომ ამ პერიოდში ზარი სერ ალექსისგანაც მიიღო:
"ერთ დღეს, როდესაც მე ჩემს მეგობარ ჯო გალაჰერთან ერთად ვიჯექი ჩემმა ტელეფონმა დარეკა. უცხო ნომერი იყო, ყურმილი ავიღე და დავიწყე საუბარი ჩემთვის უცნობ ადამიანთან. ვფიქრობდი, რომ მე მეგობრები მეხუმრებოდნენ და ამიტომ მათ ტელეფონი გავუთიშე, მაგრამ მალევე მივხვდი, რომ ის უცნობი ადამიანი სწორედ სერ ალექს ფერგიუსონი იყო. განცვიფრებული ვიყავი, რადგან ასეთმა ვარსკვლავმა ჩემი დახმარება გადაწყვიტა. ამით ძალიან კმაყოფილი ვარ."
"ეს პერიოდი ჩემთვის ძალიან რთული იყო, თუმცა ერთმა ზარმა ხასიათი შემიცვალა."-განაცხადა ენტონიმ