მიუხედავად იმისა, რომ შესაძლოა "მანჩესტერ იუნაიტედმა" რადამელ ფალკაო არ შეიძინოს, კოლუმბიელი პრემიერ ლიგაში მაინც დარჩება.
მისი მომავალი "ოლდ ტრაფორდზე" ბურუსით არის მოცული.
თუმცა, თუ რადამელი მანჩესტერულ გუნდს მუდმივი კონტრაქტით არ შეუერთდება, მას შეუძლია პრემიერ ლიგაში დარჩეს. მედიის ცნობით 28 წლის ფორვარდით "არსენალი", "ლივერპული" და "მანჩესტერ სიტი" ინტერესდებიან.
მერსეისაიდულ გუნდს სურს რადამელის სახით მარიო ბალოტელის შემცვლელი იპოვოს.
"ქალაქელები" კი კოლუმბიელ ფორვარდს იმ შემთხვევაში შეიძენენ, თუ კლუბს სტევან იოვეტიჩი ან ედინ ჯეკო დატოვებს.
"მეთოფეებს" უბრალოდ სჭირდებათ თავდამსხმელი და მიუხედავად იმისა, რომ მათ სახელს აქტიურად უკავშირებენ ედინსონ კავანის, ვენგერმა ყურადღება რადამელ ფალკაოზე გადაიტანა.