"ლოფტუს როუდზე" ქპრ-ს წინააღმდეგ მატჩის პირველი ტაიმის მიწურულს "იუნაიტედის" საქომაგოდ ჩასული გულშემატკივარი "4-4-2"-ს სკანდირებდა.

ვან გაალმა გუნდი 3-1-4-2 ტაქტიკით ათამაშა, სადაც მაიკლ კერიკი სამი ცენტრალური მცველის წინ იდგა - გულშემატკივარმა კი "შეტევა, შეტევა, შეტევა" - სკანდირება დაიწყო.

"იუნაიტედმა" საბოლოოდ 2-0 მოიგო.

ვან გაალი კი აცხადებს, რომ ის მასას არ მოუსმენს.

"მე უნდა მივხედო ფეხბურთელებს, ვესაუბრო და დავაკვირდე მათ."

"გულშემატკივარს ვერ დავაკვირდები, რადგან რამდენი ქომაგი ჰყავს "მანჩესტერ იუნაიტედს"? მთელი მსოფლიოს მასშტაბით 600 მლნ. ფანი."

"600 მლნ. აზრს კი ვერ გაითვალისწინებ."

"ფეხბურთელებზე ზრუნვა, საუბარი, დაკვირვება, ანალიზი - აი რა არის ჩემი, როგორც მწვრთნელის საქმე." - განაცხადა ვან გაალმა.

წყარო: dailystar