გასულ კვირას განაცხადში არ შეყვანის შემდეგ რადამელ ფალკაომ "ლოფტუს როუდზე" სასტარტო შემადგენლობაში მიიღო ადგილი, მაგრამ ორი ხელსაყრელი მომენტი ვერ გამოიყენა.

ქპრ-ს მეკარე, რობერტ გრინი ნამდვილად იმსახურებს შექებას "იუნაიტედის" მიერ იჯარით აყვანილი ფეხბურთელის დარტყმების შემდეგ ჩადენილი გმირობების გამო.

16 ჩატარებულ შეხვედრაში მხოლოდ სამი გოლი ნამდვილად არ არის ის, რასაც ფალკაოსგან ელოდებიან, მაგრამ რადამელი აცხადებს, რომ ასე აღარ გაგრძელდება.

"ორი გოლის გატანა შემეძლო. სამწუხაროდ, მეკარე დიდებულად თამაშობდა."

"ეს 90 წუთი ძალიან მნიშვნელოვანი იყო ჩემთვის."

"თამაში მჭირდება და ბედნიერი ვარ, რომ მოვახერხე. ძალიან მინდა მომავალში გოლის გატანა, შესაძლებლობა კი მომეცემა, ამაში დარწმუნებული ვარ."

"კარგად ვარ. თავს მართლაც კარგად ვგრძნობ. ყოველგვარი ფიზიკური პრობლემის გარეშე ვთამაშობ." - განაცხადა რადამელმა.

წყარო: dailystar