"მანჩესტერ იუნაიტედი" 5 მლნ. ფუნტის ღირებულების ვინგერით ინტერესდება და სკაუტები მასზე დაკვირვებას აწარმოებენ.
ინფორმაციას "ტრაბზონსპორის" პრეზიდენტი, იბრაჰიმ ჰაჯიოსმანოღლუ ადასტურებს, რომელიც აცხადებს, რომ აბდულ რაჟიდ უორისით რამდენიმე ინგლისური გრანდი ინტერესდება.
უორისი აფრიკის ჩემპიონატზე განის ნაკრებში გამოიძახეს და ის გასულ წელს მსოფლიო ჩემპიონატზე პორტუგალიის ნაკრებთან მატჩშიც იღებდა მონაწილეობას.
ჰაჯიოსმანოღლუმ განაცხადა, რომ 23 წლის ფეხბურთელმა შესაძლოა კლუბი ზაფხულში დატოვოს და გამორიცხული არაა ის "იუნაიტედში" აღმოჩნდეს. "ლილი" და რამდენიმე ინგლისური კლუბი უორისის შეძენით ინტერესდება."
"ლილი" ჯერ კიდევ მაშინ ინტერესდებოდა, სანამ ჩვენ შევიძენდით მას. თუმცა ფეხბურთელს სამი სხვადასხვა კლუბის რიგებში თამაში არ შეუძლია, ასე რომ, უნდა მოვიცადოთ და ვნახოთ."
"ვიცით, რომ მას "მანჩესტერ იუნაიტედიც" აკვირდება." - განაცხადა იბრაჰიმმა.