ყველაზე მეტად რა მოგწონთ ვარჯიშებზე?სიმართლე გითხრათ, ყველაფერი. ჩვენი ვარჯიშები ახლა თავის თავში დარბაზის ბევრ დავალებებს შეიცავს - პილატესი, იოგა და ა.შ. შემდეგ გვაქვს აუცილებელი საქმე, რომლითაც დარბაზის მიღმა ვკავდებით - შეხვედრები, მონაცემთა ანალიზი, ეს ყველაფერი ვარჯიშების ნაკრებში შედის. უბრალოდ ბედნიერები ვართ, რომ ამ ყველაფერს ვაკეთებთ. ამჟამად პროგრამა ძალიან განსხვავდება იმისგან, რაც ჩემი თამაშის დასაწყისში იყო.
ვარჯიშებზე ვინ იხარჯება ყველაზე მეტად?თუ ბოლომდე გულახდილი ვიქნები, თითოეული ჩვენგანი ბოლომდე ვიხარჯებით. ამ წუთას ვერ ვიხსენებ ვერავის, ვინც გამორჩეულია, მაგრამ ეს არ ნიშნავს, რომ კონკურენცია არ არსებობს. ყოველ დღე გსურს გამარჯვება და წამყვან ფიგურად ყოფნა. ალბათ, სწორედ ამიტომ არ გამოიყოფა არავინ, ყველას სურს მაქსიმუმი გააკეთოს.
რამდენად სერიოზულად ეკიდები სავარჯიშო მატჩებსა და შეჯიბრებებს?ძალიან სერიოზულად - წაგება არავის სურს. ვფიქრობ, ეს ბუნებრივია, რასაც არ უნდა ვთამაშობდეთ - იქნება ეს მაგიდის ჩოგბურთი, პული თუ სნუკერი, ნებისმიერი რამ. შეჯიბრების სული ყოველთვის არსებობს. როცა საფეხბურთო მოედანზე გადიხარ არ გსურს გასახდელ ოთახში დაბრუნება და თამაშის გამო კრიტიკის მოსმენა.
Aon Training Complex-ის აღჭურვილობა როგორ არის სხვა კლუბების სავარჯიშო ბაზასთან მიმართებაში, სადაც ყოფნა მოგიხდათ?"ვესტ ჰემის" სავარჯიშო მოედანზე უკვე დიდი ხანია არ ვყოფილვარ და ეს სწორედ ის დრო იყო, როცა კლუბები ახალად იწყებდნენ სავარჯიშო ბაზების გადაკეთებას.
"ტოტენჰემის" ბაზა თითქმის ისეთივე იყო, როგორიც "ვესტ ჰემის", მაგრამ ახლა გააუმჯობესეს და კარინგტონის მსგავს ბაზაზე ვარჯიშობენ. აქ ყველაფერი გვაქვს, რისი სურვილის ქონაც შეიძლება. სინამდვილეში ყველაფერი ასეც ხდება. უბრალოდ დააკვირდით "მანჩესტერ სიტისა" და "არსენალს", რომელთაც სავარჯიშო ბაზები ზუსტად ისეთივე დროში ააშენეს, რაც ჩვენ. უბრალოდ ასე მოძრაობს ყველაფერი. აღდგენასა და მზადებას ახლა უფრო მეტი დრო ეთმობა, ვიდრე რამდენიმე წლის წინ.
რამდენად მნიშვნელოვანია მოთამაშისთვის დარბაზის ვარჯიშები?ახლა ეს მნიშვნელოვანია, როგორც არასდროს. რამდენიმე წლის წინ დარბაზის ვარჯიშები განსხვავებული იყო, ახლა კი ყველაფერი ისე მიზანდასახულად ხდება! თამაშში ახლა ძალას, გამძლეობასა და მდგრადობას აქვს მნიშვნელობა, ადრე კი ყველაფერი საფეხბურთო უნარებზე იყო დამოკიდებული. ამჟამად უფრო მეტი რამისთვის გვიხდება თავის გართმევა, ასე რომ, დარბაზის ვარჯიშები ძალიან ადვილია.
რომელ 4 ფეხბურთელს აირჩევდი იდეალური 5 კაციანი გუნდის შესაქმნელად?უკომპრომისო შეტევას ავირჩევდი, ასე რომ, ფალკაოს, ანხელს, რობინს და ვაზას.
წყარო:
manutd.com