გუშინ, პრემიერ ლიგის 22-ე ტურის მატჩში "ქუინს პარკ რეინჯერსმა" "მანჩესტერ იუნაიტედს უმასპინძლა. მე-13 წუთზე "იუნაიტედს" ანგარიშის გახსნა შეეძლო, თუმცა ფალკაოს გრინმა აჯობა. პირველი ტაიმი უგოლოდ დასრულდა. მეორე ტაიმში თავი შეცვლაზე შემოსულმა ფეხბურთელებმა გამოიჩინეს. 58-ე წუთზე მარუან ფელაინიმ მოახერხა ანგარიშის გახსნა, ხოლო 94-ე წუთზე უილსონმა მატჩის საბოლოო ანგარიში დააფიქსირა, 0-2. 22 ტურის შემდეგ ვან გაალის გუნდი 40 ქულით მე-4 ადგილს იკავებს.

"ქუინს პარკ რეინჯერსი" - "მანჩესტერ იუნაიტედი" 0-2

სტადიონი: “ლოფტუს როად სთედიუმი”
გოლები: 0:1 ფელაინი (58), 0:2 უილსონი (94).
გაფრთხილებები: ბარტონი, ისლა, ჰილი – მატა, როხო
მსაჯი: ნილ სვერბრიკი

"ქუინს პარკ რეინჯერსი": გრინი, დანი (კოლკერი 46), ონიოჰა, ჰილი, ისლა, ჰენრი, ბარტონი, ფერი (ტაარაბტი 70), ვარგასი, ზამორა (კრანჩარი 80), ოსტინი.

მწვრთნელი: ჰარი რედნაპი

"მანჩესტერ იუნაიტედი": დე ხეა, ევანსი (უილსონი 57), როხო, ჯონსი, კერიკი, რუნი, მატა (ფელაინი 46), ბლინდი, ვალენსია, დი მარია (ერერა 95), ფალკაო.

მწვრთნელი: ლუი ვან გაალი