"მანჩესტერ იუნატედისა" და "ქუინზ პარკ რეინჯერსის" მატჩმა გულშემატკივარში შერეული ემოცია გამოიწვია. ლუი ვან გაალი ჯერ კიდევ ეძებს შეტევის ხაზში სხვადასხვა შერწყმას და მკრეხელობა იქნებოდა იმის თქმა, რომ ოპტიმალური ვარიანტი ნაპოვნია.



"საუთჰემპტონთან" განცდილი მარცხის შემდეგ თავს დატეხილი კრიტიკის მიუხედავად ვან გაალმა კვლავ სამ მცველიანი ტაქტიკა აირჩია, ხოლო დი მარიასა და რუნის შესაბამისად ისევ თავდამსხმელისა და ნახევარმცველის პოზიცია მიუჩინა.

პირველი ტაიმი

"პირველ ტაიმში "ქუინზ პარკ რეინჯერსის" სტილში ვთამაშობდით, რაც ხარისხზე ცუდად აისახა და მოწინააღმდეგეს ხელი მოუმართა" - განაცხადა ვან გაალმა მატჩის შემდეგ. ჰოლანდიელს მხედველობაში თავდასხმელებისთვის მიწოდებული გრძელი გადაცემები ჰქონდა.

სამჯერ ეცადა ფილ ჯონსი ასეთი სახით წამოეწყო შეტევა, სამჯერვე ჯონი ევანსი, ხოლო 4-ჯერ მარკოს როხო.

როგორც მწვრთნელის უკმაყოფილებიდან ჩანს, ეს მისი მითითება არ იყო. რადგან ასეა, გამოდის მცველები შეტევის გაგრძელების სხვა ვარიანტს ვერ ხედავდნენ და პრესინგის შემთხვევაში სხვაგვარად ვერ მოქმედებდნენ. ორივე დებულება მართებულია. დასაწყისში "იუნაიტედი" ქპრ-სგან განსხვავებით ცუდად მომქმედებდა. შეტევის გაგრძელებისთვის მომგებიან პოზიციაზე გახსნილი ფეხბურთელის მოძებნა ძალიან ჭირდა. სწორედ აქედან წამოვიდა გრძელი გადაცემები და აქედანვეა ჯონი ევანსისა და ფილ ჯონსის გარღვევები მოწინააღმდეგის ნახევარზე.

აღსანიშნავია მატა-რუნის წყვილის სუსტი გამოსვლა.

რუნი პირველ ნახევარში ერთ-ერთი უცუდესი მოთამაშე იყო. დი მარიას გასამართლებლად კი უნდა ითქვამს, რომ ბურთი მასთან იშვიათად მიდიოდა და საუკეთესო თამაშის ჩვენებას ვერაფრით მოახერხებდა; მატას გასამართლებლად, რომლის მიერ ბურთის ორჯერ დაკარგვას პირველ ტიამში შეეძლო "იუნაიტედის" კართან სახიფათო მომენტი გამოეწვია, შეიძლება ითქვას, რომ ხუანმა ტაიმის ყველაზე სახიფათო მომენტი შექმნა და მოგვიანებით საიმედოდ თამაშობდა. აი რუნის შემთხვევაში კი არგუმენტის პოვნა რთულდება. კაპიტანი აქტიურად ერთვებოდა თამაშში, მაგრამ მისი გადაცემების არაზუსტობისა და ნაკლის პროცენტული მაჩვენებელი ვერსად დაიკარგება.

ცალკე განვიხილოთ ჩვენს კართან მატა-რუნის წყვილის გამო შექმნილი სახიფათო ეპიზოდი.

ფილ ჯონსი წინ წავიდა, მაგრამ გაგრძელება ვერ მონახა და უკან ევანსს გადააწოდა პასი. ჯონი პრესინგის ქვეშ აღმოჩნდა და ბურთი შორს მოიგერია.



მატა შეეცადა ერთი შეხებით გაემწვავებინა სიტუაცია, მაგრამ ქპრ-ს მოთამაშემ ეპიზოდი წაიკითხა.



რუნიმ გადაწყვიტა წართმევაზე ეთამაშა. უეინმა წარუმატებლობა განიცადა, ქპრ-ს ფეხბურთელი თავისუფალ ზონაში გადავიდა და პარტნიორს მშვიდად მიაწოდა პასი.



სად არის ამ დროს ჩვენი მესამე ნახევარმცველი? ის სადღაც საჭირო საქმეებზე გავიდა, მაგრამ სად არის ის, ვინც მას აზღვევს?

¯\_(ツ)_/¯

სიტუაციის გადარჩენა დე ხეას მოუხდა.



ტაიმის მიწურულს შედგა კიდევ ერთი ეპიზოდი, რომელიც ყურადღებას იმსახურებს. ამ ეპიზოდში დი მარიამ და რუნიმ ისე ითამაშეს, როგორც უელბეკმა და ევანსმა.

სამი ფეხბურთელის გარემოცვაში მყოფმა ფალკაომ რუნის პასი მიაწოდა. წინ თავისუფალი ზონაა.



დი მარია აჩქარებას იწყებს.



შემდეგ არგენტინელი რატომღაც შეჩერდა და მიმართულება იცვალა. შესაძლოა, ჩათვალა, რომ ცენტრში შესვლას ფალკაო მოასწრებდა (თუმცა რადამელი შორს იმყოფებოდა), შესაძლოა ელოდა, რომ რუნი აიღებდა თამაშს საკუთარ თავზე მაგრამ ნებისმიერ შემთხვევაში ეპიზოდმა სიმწვავე დაკარგა.



შემდეგ კი რუნიმ დაუშვა შეცდომა, რომელიც სხვას უფრო შეეფერებოდა - ბურთი უბრალოდ მიაწოდა სხვა გუნდის ფეხბურთელს.



მეორე ტაიმი

შესვენების შემდეგ ლუი ვან გაალმა ხუან მატა მარუან ფელაინით ჩაანაცვლა. ფიზიკურად ძლიერი და ბრძოლაში გამოცდილი ფეხბურთელი მოცემულ ვითარებაში როგორც ჩანს უფრო გამოსადეგი იყო, ვიდრე ესპანელი, რომელიც ხაზებს შორის თავისუფალი ზონების პოვნას ახერხებს და თავდამსხმელებს მომენტებს უქმნის. მატა თავის მხრივ ცუდი არ იყო, მაგრამ გუნდური თამაშის ინტერესებიდან გამომდინარე შეცვლილი იქნა.

შეცვლაზე შემოსვლიდან მოკლე პერიოდში ფელაინიმ გოლის გატანა მოახერხა.

დი მარიამ და რუნიმ საჯარიმოს წინ გაითამაშეს და რუნიმ როგორც იქნა მოახერხა ზუსტი პასის გაკეთება, ვალენსიამ პასი თავისუფალ ფელაინის მიუგორა, რომელმაც გრინი დაცხრილა.

ვიდეო

გოლის შემდეგ იყო მონაკვეთი, როცა "მანჩესტერ იუნაიტედმა" ინიციატივა დათმო, მაგრამ ქპრ-ს ზეწოლას შედეგი არ მოჰყვა. ყველაზე სახიფათო მომენტი როხოსა და კერიკის შეუთანხმებლობის შემდეგ შედგა.

რუნიმ, რომელიც მეორე ტაიმში გაცილებით უკეთ მოქმედებდა, კიდევ ერთხელ დაუშვა შეცდომა.



კერიკმა დასწრებაზე ითამაშა. მაიკლი ბურთის შენარჩუნებას თუ არა მოგერიებას მაინც ასწრებდა. მაგრამ საკუთარი ზონა დატოვა როხომაც და წინ წავიდა.



ქპრ-მ სამი ერთზე შეუტია, მაგრამ მისი რეალიზება ვერ მოახერხა. უნდა აღინიშნოს, რომ განმეორებითი შეტევა კერიკმა ჩაშალა.

შეხვედრის მიწურულს ჯეიმს უილსონმა, რომელსაც შეეძლო ცოტა ადრე საგოლე გადაცემა ჩაეწერა აქტივში, რომ არა ფალკაოს უიღბლობა, გოლის გატანა მოახერხა. აკადემიის აღზრდილის პირველი გოლი სეზონში.

ვიდეო

"იუნაიტედის" დაცვა

ბევრის აზრით გუნდის ყველაზე პრობლემატური ხაზი - დაცვაა. თუმცა უკანასკნელ მატჩებში ცენტრალური მცველების მოქმედება პლუს ნიშნით უნდა აღინიშნოს. სმოლინგი, რომელიც შეხვედრას ტოვებდა, ადრე ერთ-ერთი საუკეთესო იყო. როხოს ერთადერთი უხეში შეცდომა ზემოთ განვიხილეთ. ევანსი, რომელიც შეცდომებს არ სჩადის, საკმაოდ იშვიათი მოვლენაა, ამიტომ ის კონკურსგარეშე დავტოვოთ.

ჯონსი თითქმის გაუვალი იყო. ინგლისელმა მხოლოდ ერთხელ წააგო ორთაბრძოლა.



ფაბიო კაპელომ ჯონსს, რომელიც ჯერ 20 წლისაც კი არ იყო ინგლისის ნაკრების მომავალი კაპიტანი უწოდა. სერ ალექს ფერგიუსონმა - "იუნაიტედის" მომავალი კაპიტანი. ჯონსი მხოლოდ 22 წლისაა, მაგრამ მის მხრებზე დიდი გამოცდილებაა. თუ ფილი ტრავმებს თავს დააღწევს, შესაძლოა კვლავ მიაღწიოს ტოპ-დონეს.

რადამელ ფალკაო

უკანასკნელი კვირების ყველაზე განხილვადი ფიგურა. უმრავლესობა რადამელს ასეთი თამაშის გამო გააკრიტიკებს, მაგრამ სინამდვილეში მან უმაღლეს დონეზე ითამაშა. რომ არა უილსონის პასის შემდეგ ბურთზე ფეხის აცილება, შეიძლებოდა ის მატჩის საუკეთესო ფეხბურთელად დაგვესახელებინა. მოარტყი - და საუკეთესო ხარ.

მან ვერ მოარტყა, ამიტომ ახლა ცოტას თუ აინტერესებს როგორ იხსენოდა ფალკაო და დი მარიასგან განსხვავებით როგორ იბრძოდა ბურთისთვის.

1) მატას გადაცემის შემდეგი მომენტი.

ფალკაო თამაშგარეში იმყოფება, მაგრამ ხედავს, რომ მატა პასის გაკეთებას აპირებს.



და ნაბიჯის უკან გაკეთებას ასწრებს. დიდებული ფორვარდის დიდებული თამაში.



მაგრამ მის დარტყმას გრინი იგერიებს. აღსანიშნავია, რომ დი მარია ეპიზოდს არ გამოთიშულა, მაგრამ ფორვარდის იმაში დადანაშაულება, რომ მას პასი არ მისცა, სისულელეა.



2) დი მარიას ჩაწოდების შემდეგი მომენტი.

მცველებს ფალკაო დაავიწყდათ და მანაც თავისთვის ჩვეულ საფირმო ნახტომში კარი დაცხრილა, მაგრამ გრინი კვლავ ბრწყინვალეა.



3) უილსონის პასის შემდეგ მომენტი.

თუ პირველ ორ ეპიზოდში მეკარის შექება შეიძლებოდა და ფორვარდის არ დადანაშაულება, ამ ეპიზოდში რთულია რამე კომენტარის გაკეთება. (თუ რა თქმა უნდა ბლინდს არ დავუწერთ წართმევისთვის პლუსს და არ შევაქებთ უილსონს პასის გამო.)



ფორვარდის დავალება - გოლების გატანაა. ძვირადღირებული ფორვარდის დავალება - ბევრი გოლის გატანა.

ფალკაოს სიტუაცია სეზონის სტარტზე ვან პერსის სიტუაციას მაგონებს. სხვაობა მხოლოდ ისაა, რომ ვან პერსის მუდმივი კონტრაქტი აქვს, მან უკვე დიდი ხნის წინ დაამტკიცა ყველაფერი, ვან გაალის თანამემამულეს უფრო ენდობა.

ფალკაოს წარმატებები ვუსურვოთ და დაკსვნების გაკეთებას ნუ ვიჩქარებთ. ფელაინის, მატასა და ვან პერსის მაგალითები გვაჩვენებს, რომ #აუცილებლადახლა სერიის ანალიტიკა არაფრისმომცემია და უფრო ტაბლოიდებისა თუ თვითერის ისტერიკას შეესაბამება.

გაგრძელება