"კლას 92"-ის ერთ-ერთმა კურსდამთავრებულმა რობი სევეჯმა თავისი აზრი გამოხატა და განაცხადა, თუ ვინ უნდა წავიდეს და ვინ დარჩეს კლუბში.

"ბოლო დროს გავრცელდა ჭორები იმის შესახებ, რომ რადამელ ფალკაო მომდევნო სეზონშიც "იუნაიტედში" იასპარეზებს. სეზონის ბოლოს კოლუმბიელის და სხვა ბევრი მოთამაშეს ბედი გადაწყდება. მე ჩემს აზრს გამოვხატავ და ვაპირებ ვისაუბრო იმ ფეხბურთელებზე, რომლებიც ან უნდა წავიდნენ ან დარჩნენ კლუბში."

ტაილერ ბლეკეტი:

"ძალიან ძნელია მის ბედზე ამ მომენტში რამე თქვა. შეხედეთ იგი საკუთარი თამაშით პირველ გუნდში მოხვდა, მაგრამ ასეთი ახალგაზრდა ფეხბურთელი მწვრთნელის ნდობის გარეშე "მანჩესტერ იუნაიტედში" ვერ ითამაშებს."

ვერდიქტი: იგი უნდა დარჩეს.

მაიკლ კერიკი:

"მაიკლი "იუნაიტედის" ერთ-ერთი ძველი მოთამაშეა. გუნდს იგი ძალიან სჭირდება. მას ახალი კონტრაქტი აუცილებლად უნდა შესთავაზონ."

ვერდიქტი: უნდა დარჩეს.

ტომ ქლევერლი:

"მოგეხსენებათ ქლევერლი "ასტონ ვილაში" იჯარით თამაშობს. ამბობენ, რომ ბირმინგემელები მის გამოსასყიდად 7 მილიონი ფუნტის გადახდას აპირებენ. ეს თანხა ცოტად მეჩვენება, თუმცა ზაფხულამდე ტომის შეძენის სურვილი გაიზრდება."

ვერდიქტი: უნდა წავიდეს.

დარენ ფლეთჩერი:

"ავადმყოფობის გამო დარენს ძალიან ბევრი გაუცდა, ასე რომ მას ფორმის აღსადგენად ძალიან დიდი დრო დასჭირდება. ვფიქრობ, ის უნდა წავიდეს. მის შესაძენად დარწმუნებული ვარ, მთელი რიგი კლუბები დაინტერესდებიან."

ანდერსონი:

"ბრაზილიელი თქვენ წარმოიდგინეთ ისევ კლუბშია, მაგრამ მისი "მოშორება" ძალიან რთულია."

ვერდიქტი: უნდა წავიდეს.

რადამელ ფალკაო:

"მას უზარმაზარი ხელფასი, კვირაში 265 000 ფუნტი აქვს. მისი სავარაუდო ღირებულება კი 43, 5 მლნ ფუნტია. არსებობს სერიოზული ეჭვი, რომ იგი მანჩესტერულ კლუბში დარჩეს. ასეთი თანხის გადახდის შემდეგ რადამელმა ძალიან ხშირად უნდა ითამაშოს, სწორედ ამის შემდეგ გამოიღებს მისი თამაში შედეგს. ლუი ვან გაალის "იუნაიტედში" ფალკაოს ძალიან ხშირად სკამზე ჯდომა უწევს. ხოლო სკამისთვის ასეთი თანხის გადახდა უაზრობაა."

ვერდიქტი: უნდა წავიდეს

ეთანხმებით თუ არა სევეჯს?

კი

არა

ნაწილობრივ

ხმის მიცემა შედეგები