ლუი ვან გაალმა 3-5-2 სქემა უფრო საჭირო ტაქტიკად ჩათვალა, რადგან მისი თქმით 4 მცველის შემთხვევაში გუნდის ბალანსი სუსტდება.

"წითელი ეშმაკები" ქპრ-ს წინააღმდეგ პირველი ტაიმის მსველობისას არასანახობრივ თამაშს აჩვენებდნენ, რის გამოც გულშემატკივარმა ტრიბუნაზე "4-4-2"-ს სკანდირება დაიწყო.

შესვენებისას ვან გაალმა ხუან მატა მარუან ფელაინით ჩაანაცვლა, რომელმაც შეხვედრის პირველი გოლი გაიტანა.

მაგრამ მატჩის გარდამტეხი მომენტი მაშინ დადგა, როცა ვან გაალმა ჯონი ევანსი მოედნიდან გაიყვანა და მისი გუნდი 4 მცველიან ტაქტიკაზე გადავიდა.

"სინამდვილეში ვიცი, რომ როცა 4 ნახევარმცველით დაიმონდს ვთამაშობთ, უფრო მეტ შანსს ვქმნით."

"მაგრამ ამ დროს გუნდის ბალანსი სუსტდება."

"ეს თქვენც ნახეთ, რადგან რამდენიმე მომენტი შევქმენით, მაგრამ "ქუინზ პარკმაც" შექმნა, ამიტომ ყოველ კვირაში გვიხდება სათამაშო სქემის არჩევა. საკითხი სწორედ ეს არის."

"სხვა სისტემით (3-5-2) "ტოტენჰემის" წინააღმდეგ ვითამაშეთ და შესაძლოა პირველი ტაიმი გახსოვთ - ჩვენ ექვსი თუ შვიდი მომენტი შევქმენით, მეტი ვიდრე დღეს, მაგრამ გოლი ვერ გავიტანეთ."

"ასე რომ, საკითხავი ყოველთვის ეს არის - ხარ კი საკმაოდ ეფექტური?"

"საუთჰემპტონთან" გასვლით მატჩში სამიდან ორი მომენტი გამოვიყენეთ, თუმცა მოედანზე საუკეთესო გუნდი არ ვყოფილვართ."

"გასულ კვირას უკეთესი გუნდი ვიყავით, მაგრამ ფეხბურთში ყოველთვის უკეთესი გუნდი არ იმარჯვებს." - განაცხადა ვან გაალმა.

წყარო: M.E.N.