ვფიქრობ, კარგი გამარჯვება მოვიპოვეთ. ეს იყო დამღლელი, ფიზიკურად რთული მატჩი, მაგრამ გამარჯვება მოვახერხეთ. ყველაზე მნიშვნელოვანი მანჩესტერში სამი ქულის წაღებაა.
შეიძლება თქვენი მწვრთნელი შეცვლების გამო შევაქოთ? ორივე ფეხბურთელმა გაიტანა.
დიახ, მიმაჩნია, რომ შეცვლები წარმატებული გამოდგა, მეც და ჯეიმსმაც გავიტანეთ. ეს ყოველთვის გმატებს თავდაჯერებულობას.
რამდენად მნიშვნელოვანია თქვენთვის "საუთჰემპტონთან" მარცხის შემდეგ ამ გამარჯვების მოპოვება?
დღეს სამი ქულის მოპოვება ჩვენთვის ძალიან მნიშვნელოვანი იყო. ამის გაკეთება მოვახერხეთ და შევეცდებით ასევე გავაგრძელოთ. აუცილებელია მომდევნო მატჩისთვისაც შევინარჩუნოთ გამარჯვებულის განწყობა. ინგლისის თასზე ვთამაშობთ, გამარჯვება კი სავალდებულოა.
რას იტყვით ჯეიმს უილსონის გოლზე? მოგეწონათ მისი თამაში?
მიხარია მის გამო. ჯეიმსი შესანიშნავი ბიჭია, ვარჯიშებზე ბევრს მუშაობს. გოლმა მას ძალები უნდა შემატოს.