შეგახსენებთ, რომ "სოტონთან" მატჩში, ფალკაო განაცხადში ვერ მოხვდა, მაგრამ სამაგიეროდ, დღეს მან თამაში სასტარტო შემადგენლობაში დაიწყო. მიუხედავად იმისა, რომ "წითელმა ეშმაკუნებმა" ორი ბურთის სხვაობით დაამარცხეს მეტოქე, თავად რადამელმა თავის გამოჩენა ვერ შეძლო.

ვან გაალს მხოლოდ გატანილი ბურთები არ აკმაყოფილებს, მის მთავარ ინტერესს გოლების რაოდენობა წარმოადგენს. სწორედ ამ შედეგის მიხედვით გადაწყვეტს "მანჩესტერის" თავკაცი "მონაკოდან" იჯარის წესით გადმოსული კოლუმბიელი ფორვარდის ბედს.

"პირველ ტაიმში ჩვენ მხოლოდ ერთი მომენტი შევქმენით, რომელიც ვფიქრობ, რომ ფალკაოს აუცილებლად უნდა გამოეყენებინა და გოლი გაეტანა. ამას გარდა, მას სამი მომენტი ჰქონდა მეორე ნახევარში."

"არ აქვს მნიშვნელობა იმას, თუ მე რას ვფიქრობ ფალკაოზე. მას სურს გოლების გატანა. მე რადამელზე უნდა ვიმსჯელო იმით, თუ როგორ თამაშობს და რამდენი გოლი გააქვს - ეს ფორვარდის შესაფასებლად მთავარი ასპექტია. მაგრამ ჩემთვის, გოლების გატანასთან ერთად, მნიშვნელოვანია ისიც, რომ ის იყოს საყრდენი წერტილი თავდასხმაში. მე კი ვფიქრობ, რომ მან ამ დავალებას კარგად გაართვა თავი",-ციტირებს ვან გაალის სიტყვები.

რაც შეეხება თამაშს, ვან გაალი თვლის, რომ მისმა გუნდმა მეორე ტაიმში გაცილებით უკეთესი წარმოდგენა აჩვენა. "იუნაიტედის" გარდაქმნაში კი ერთ-ერთი მთავარი როლი ტაქტიკურმა ცვლილებებმა ითამაშა.

"პირველ ტაიმში ჩვენ ისე ვითამაშეთ, როგორც ეს "ქპრს" სურდა. ზუსტად იმავეს ვიმეორებდით რასაც ისინი, ვთამაშობდით ჰაერში, გრძელი გადაცემებით. "ქპრმ" ამაში გვაჯობა."

"მეორე ტაიმში შევცვალეთ განლაგება. ესეც დაგვეხმარა, მაგრამ თამაშს იგებენ მოთამაშეები. მათ უბრალოდ მინდორზე ტაქტიკის დემონსტრირება უნდა მოახდინონ. ამის მაღალ დონეზე შესრულება კი ყოველკვირეულად რთულია."

"ვფიქრობ, რომ როცა იგებ, ყველა ჩვენგანი ბედნიერია და თავს გაცილებით უფრო კომფორტულად გრძნობს. ბოლო თამაშში, სამწუხაროდ, "საუთჰემპტონთან" დავმარცხდით, მიუხედავად იმისა, რომ ვითამაშეთ უკეთ და უკეთესი მომენტები გვქონდა",-დაასრულა ვან გაალმა.

წყარო: fapl.ru