"მანჩესტერ იუნაიტედის" მთავარმა მწვრთნელმა, ლუი ვან გაალმა დავიდ დე ხეას მისამართით საქებარი სიტყვები გამოთქვა.
ესპანელმა მეკარემ ლონდონელების გუნდის წინააღმდეგ მორიგი კარგი მატჩი ჩაატარა და ქპრ-ს გოლის გატანის საშუალება არ მისცა.
"საუთჰემტონისა" და "ლივერპულის" წინააღმდეგ პირველი წრის მატჩების შემდეგ, რომელშიც დე ხეამ "იუნაიტედი" გაშვებული გოლისგან არაერთხელ იხსნა, ვან გაალმა ესპანელის შექებისგან თავი შეიკავა და დე ხეას თამაშს "შეტანილი წვლილი" უწოდა.
ამჯერად კი კითხვაზე, არის თუ არა დე ხეა მნიშვნელოვანი ფეხბურთელი, ვან გაალმა უპასუხა:
"ჩვენთვის ძალიან მნიშვნელოვანია. ჩვენ საკმაოდ ბევრი "მშრალი" მატჩი გვაქვს და მათი უმრავლესობა დე ხეას დამსახურებაა. ეს კომპლიმენტია, თუმცა მე არასდროს ვამბობ კომპლიმენტს ჩემი ფეხბურთელების გასაგონად."