მარუან ფელაინიმ ახსნა, თუ რატომ მიირბინა "ლოფტუს როუდზე" გოლის გატანის შემდეგ სათადარიგოთა სკამზე მყოფ ადნან იანუზაისთან.
"ის მიმდინარე სეზონში ცოტას თამაშობს, ასე რომ, მომწონს მასზე ზრუნვა." - განაცხადა ფელაინიმ მატჩის შემდეგ.
მეორე ტაიმში შეცვლაზე შესვლის შემდეგ მარუანმა ვალენსიასგან მიწოდებული პასით ისარგებლა და საკუთარი თავი გოლით დააჯილდოვა.
დარტყმაზე რეაგირება ლონდონური გუნდის მეკარემ მოასწრო, მაგრამ ბურთის ასაღებად მისი მცდელობა საკმარისი არ აღმოჩნდა. "კარგი პასი, კარგი კონტროლი და კარგი შესრულება იყო. ძალიან მნიშვნელოვანი გახლდათ მეორე ტაიმში გოლის ადრე გატანა, რადგან ვიცოდით, რომ მატჩის ბოლოს რთული იქნებოდა, რაც მოხდა კიდეც."