ლუი ვან გაალს მიაჩნია, რომ "მანჩესტერ იუნაიტედმა" საგოლე მომენტები უკეთ უნდა დაასრულოს.
"დიახ, შეიმჩნოედა, რომ ჩვენ უკანასკნელ სამ მატჩში ცოტა საგოლე მომენტი შევქმენით, მაგრამ მანამდე "უაით ჰარტ ლეინზე" ამავე სქემით თამაშისას გოლის გატანის 6 შანსი გვქონდა. ბევრი რამ არის დამოკიდებული მოწინააღმდეგეზე, მაგრამ უნდა ვთქვა, რომ შეტევის დასრულებით ფაზაში ჩვენ გადამწყვეტ პასს ვერ ვაკეთებთ. იმედი მაქვს, თამაშის ამ ასპექტს უახლოეს კვირებში გავაუმჯობესებთ."
ვან გაალმა ხაზი გაუსვა იმასაც, რომ სურს გუნდს სისწრაფე შესძინოს, რასაც მოედანზე მის ხელთ არსებული ფეხბურთელების გაყვანით მოახერხებს - ანხელ დი მარიას და ჯეიმს უილსონის. ფეხბურთელები, რომლებიც ლუიs ფილოსოფიისთვის მნიშვნელოვანი არიან.
"შეტევა ძალიან მნიშვნელოვანია. თანამედროვე ფეხბურთი ამის გარეშე წარმოუდგენელია, ამიტომ უილსონი და დი მარია ჩემთვის მნიშვნელოვანი ფეხბურთელები არიან და მოედანზე ხშირად გaმოდიან. მაგრამ უკანასკნელ პასსაც აქვს მნიშვნელობა და ეს ასპექტი უნდა გავაუმჯობესოთ, რადგან ჩვენს თამაშს სიმწვავე აკლია. შეგვიძლია უფრო მაღალ სისწრაფეზე უფრო სარისკო გადაცემები ვაკეთოთ, მაგრამ ყველაფერი დროული უნდა იყოს და არც გოლების გატანის დავიწყება შეიძლება."
"ყველაფერი მატჩის ტაქტიკაზეa დამოკიდებული, ამიტომ ვერ ვუპასუხებ კითხვას, შემეძლო თუ არა მოედანზე უძლიერესი შემადგენლობა გამეყვანა. მაგალითად, ჩემ მიერ შერჩეულ ტაქტიკას ახლა იდეალურად ერგება ეშლი იანგი. მაგრამ მატჩიდან მატჩამდე სქემის შეცვლის შესაძლებლობა მაქვს, რაც მახარებს." - განაცხადა ვან გაალმა.