"მანჩესტერ იუნაიტედის" ყოფილი ფეხბურთელი, მაიკლ ოუენი თვლის, რომ ლუი ვან გაალის შეგირდები შაბათს ქპრ-ს დამარცხებას მოახერხებენ.
"წითელი ეშმაკები" დღეს "ლოფტუს როუდზე" ჰარი რედნაპის გუნდს ეწვევიან და შეეცდებიან ახალი დაუმარცხებელი სერია წამოიწყონ.
ლონდონში გამართულ უკანასკნელ 19 მატჩში "იუნაიტედი" მხოლოდ ერთხელ დამარცხდა - 11 გამარჯვება, 7 ფრე, 1 მარცხი.
მაიკლ ოუენი თვლის, რომ მის ყოფილ გუნდს არავითარი პრობლემა არ უნდა შეექმნას. "ვფიქრობ, "იუნაიტედმა" უკვე დაივიწყა უკანასკნელ ტურში "საუთჰემპტონთან" მარცხი და ქპრ-ს წინააღმდეგ მომდევნო შეხვედრაში გამარჯვებას იზეიმებენ. ამასთან ერთად, "წითლებს" დედაქალაქში შესანიშნავი სტატისტიკა აქვთ."
"დიახ, ქპრ საშინაო არენაზე საკმაოდ კარგად თამაშობს, მაგრამ ისინი ვერაფრით მოახერხებენ "იუნაიტედის" წინააღმდეგ მატჩში წარმატების მიღწევას. მათთვის უსიამოვნო სტატისტიკა შაბათსაც გაგრძელდება." - განაცხადა ოუენმა.