ლუი ვან გაალი აცხადებს, რომ მისი გუნდის დაცვა არა თუ კრიტიკას, არამედ ქებას იმსახურებს, რადგან უკანასკნელ 12 მატჩში "იუნაიტედმა" მხოლოდ 7 გოლი გაუშვა.
"თქვენ მხოლოდ დაცვის ორგანიზებულობა არ უნდა განსაჯოთ. მაგალითად, "საუთჰემპტონის" წინააღმდეგ ბურთის ფლობის 60%-ანი მაჩვენებელი გვქონდა. ჩვენ ვდომინირებდით, მაგრამ დავმარცხდით და რა თქმა უნდა შედეგი ყოველთვის ყველაფერზე მნიშვნელოვანია."
"დაცვის შესახებ ყველა აცხადებდა, რომ მე სათანადო მცველები არ მყავდა, მაგრამ ამას ვეღარ დაწერენ, რადგან 12 მატჩში 7 გოლის გაშვება თავისთავად არის უკვე კარგი შედეგი."
"ხალხი, განსაკუთრებით კი პრესაში მომუშავე ხალხი ბევრ რამეს ამბობს, მაგრამ ჩვენ 12 მატჩში მხოლოდ ერთხელ დავმარცხდით და ისიც 0-1. თანაც, თუ თამაშს უყურებთ, ნახავთ, რომ "მანჩესტერ იუნაიტედი" უკეთესი გუნდი იყო. ეს კი იმდენად ცუდი აღარ არის. გაზეთებში წავიკითხე, რომ თვის საუკეთესო მწვრთნელის ნომინაციაზე წარმადგინეს, ასე რომ, ყველაფერი ისე ცუდად არ არის, როგორც მედია წერს." - განაცხადა ვან გაალმა.