"დრო მოვიდა ფაქტებს სახეში შევხედოთ და რამდენიმე მითი დავამსხვრიოთ. სეზონი შუამდე მივიდა და "იუნაიტედი" არაფრით სჯობია იმ გუნდს, რომელიც წინა წელს იყო. მათი სტატისტიკური მაჩვენებლები ფაქტიურად იდენტურია, მაგრამ არსებობს ერთი დიდი განსხვავება: ლუი ვან გაალმა ბაზარზე 150 მლნ. ფუნტი დახარჯა და დიდძალ ხელფასს იღებს.
რა არის ეს "ფილოსოფია", რომელსაც ჰოლანდიელი ასე ჯიუტად იმეორებს? გინდათ მითხრათ, რომ "იუნაიტედი" უკეთესია, ვიდრე დევიდ მოიესის დროს იყო. გასულ უქმეებზე "საუთჰემპტონის" წინააღმდეგ მატჩში ვერც ერთხელ ვერ დაარტყეს კარში - დამეთანხმეთ, გუნდისგან, რომლის საერთო ღირებულება 274 მლნ. ფუნტია უფრო მეტი გსურთ.
თუ ვან გაალის ფილოსოფია სამი მცველით თამაშში მდგომარეობს, დროა მიხვდეს, რომ არ ამართლებს. სტატისტიკა აჩვენებს, რომ ასეთი ტაქტიკით თამაშისას "იუნაიტედი" 36% შემთხვევაში იმარჯვებს. სხვათაშორის, უფრო ჩვეულებრივი ტაქტიკის შემთხვევაში გუნდს 80%-ანი გამარჯვება აქვს. თუ ლუი გაჯიუტდება, კლუბი ჩემპიონთა ლიგის გარეშე დარჩება.
თუ ლუი ვან გაალმა უფრო ძლიერი გუნდი შექმნა, რატომ აქვთ გატანილი ნაკლები რაოდენობის გოლი და დარტყმული ნაკლები რაოდენობის ბურთები, ვიდრე გასულ წელს? პირადად ჩემთვის ახლანდელი და წინა წლის "იუნაიტედი" მხოლოდ იმით განსხვავდება, რომ ვან გაალმა დიდძალი თანხა დახარჯა."
"მიმდინარე სეზონში მათი ერთ-ერთი საუკეთესო გამოსვლა "ნიუკასლის" წინააღმდეგ მატჩია. ეს მატჩი კი დაასრულა შემადნგელობამ, რომელშიც ვან გაალის არც ერთი ტრანსფერი არ შედიოდა. არავინ უარყოფს მანჩესტერული კლუბის "გალაქტიკოსობის" უნარს, მაგრამ დარჩება კი მასში კლუბის მიერ აღზრდილი ფეხბურთელის ადგილი?
ყველა აცხადებს, რომ ვან გაალს შესანიშნავი წარსული აქვს, მაგრამ ეს არ არის გარანტია იმისა, რომ ინგლისში წარმატებას მიაღწევ. გაიხსენეთ ფერნანდო ტორესი, რომელიც "ჩელსიში" გადასვლამდე შესანიშნავ შედეგებს აჩვენებდა."
თუ გგონიათ, რომ კლუბზე ასე მხოლოდ იმიტომ ვსაუბრობ, რომ მასში ადგილი ვერ დავიმკვიდრე, ძალიან შემცდარხართ. ძალიან მინდა "იუნაიტედმა" წარმატებას მიაღწიოს. მაგრამ მიაღწევს კი გუნდი წარმატებას, რომელიც მთელი მატჩის განმავლობაში ერთხელ ვერ ურტყამს კარში? ეჭვი მეპარება." - განაცხადა სევეჯმა.