როგორც მოგეხსენებათ, ხვალ თბილისის დროით 19 საათზე "მანჩესტერ იუნაიტედი", "ლოფტუს როუდს" ესტუმრება და ადგილობრივ "ქუინს პარკ რეინჯერსს" დაუპირისპირდება. მატჩის წინ როგორც ყოველთვის, "ეშმაკების" მთავარმა მწვრთნელმა პრეს-კონფერენცია გამართა.
"ვფიქრობ მეტოქის მოთამაშეები ყველაფერს გააკეთებენ გამარჯვებისთვის, ინგლისში ყველა გუნდს სურს "მანჩესტერ იუნაიტედის" დამარცხება და ამიტომ ჩვენ რთული მატჩი გველის. მათი სათამაშო ტაქტიკა რთულია ჩვენთვის და ეს უკვე ვნახეთ. ისინი ძალიან ხშირად მიმართავენ გრძელ პასებსა და ჩაწოდებებს, ასევე ძალიან კარგი თავდამსხმელები ჰყავთ, თუმცა ყველაფრის გათვალისწინებით მაინც უნდა მოვიგოთ."
ვან გაალს სეზონის ბოლოს ოთხეულში დასრულების ამბიციაზეც ჰკითხეს:
"ეს ჩვენი მთავარი მიზანია და მე ამას მოსვლის დღიდან ვაცხადებ. ჩვენ გვსურს ჩემპიონობა, თუმცა ამისთვის შენ უნდა მოიგო "საუთჰემტონთან" და "ასტონ ვილასთან" გასვლაზე, თუმცა როდესაც ამას არ აკეთებ შანსები მცირდება.
მიზანი ერთია, პროგრესი განვაგრძოთ და სეზონის ბოლოს ოთხეულში მოვხვდეთ, რადგან ძალიან გვინდა მომავალ წელს ჩემპიონთა ლიგაზე ასპარეზობა.
21 ტურის შემდეგ ჩვენ მეოთხეზე ვართ, თუმცა თავადაც ხვდებით რომ დამთავრებული არაფერია, რადგან ბევრ გუნდს სურს ჩვენ ადგილზე ყოფნა. ოთხეულში ადგილის შესანარჩუნებლად ბრძოლა არის საჭირო."- დაასრულა ვან გაალმა