ლუი ვან გაალმა განაცხადა, რომ "საუთჰემპტონთან" მატჩის შემდეგ ის რადამელ ფალკაოს გაესაუბრა, მაგრამ ჯერ კიდევ ვერ მისცა იმის გარანტია, რომ მომდევნო შეხვედრაში აუცილებლად ითამაშებს.
"მას ვესაუბრე, მაგრამ ფეხბურთელებს ყოველთვის ვესაუბრები. კარგი კომუნიკატორი ვარ, ასე რომ, დიდი არაფერი გამიკეთებია."
"უქმეებზე განაცხადში ვერ მოხვდა, რის შემდეგაც ასეთი ტიპის ფეხბურთელს უფრო მეტი უნდა ესაუბრო, რადგან მათთვის ეს დიდი იმედგაცრუებაა."
"მინდოდა მისთვის ამეხსნა რა უნდა გააკეთოს მომავალში და ასეც მოვიქეცი." - განაცხადა ვან გაალმა.
როცა ვან გაალს ჰკითხეს, მოხვდებოდა თუ არა "ლოფტუს როუდზე" რადამელ ფალკაო, მან უპასუხა:
"თქვენც სხვა დანარჩენი ჟურნალისტების მსგავსად უნდა მოიცადოთ და ნახოთ."