ადნან იანუზაი გასული სეზონისგან განსხვავებით მიმდინარე სეზონში "იუნაიტედის" შემადგენლობაში რეგულარულად ვერ ხვდება და მას იანვარში იჯარის წესით გაანათხოვრებენ.
19 წლის ფეხბურთელით უამრავი სხვადასხვა კლუბი ინტერესდება და მათ სიას ახლა უკვე "პორტუ" და "აიაქსიც" შეემატა. ორივე კლუბი "იუვენტუსს", "ინტერს", პსჟ-სა და სხვა გუნდებს გაუწევს კონკურენციას.
ბელგიელი ფეხბურთელით "იუნაიტედის" ყოფილი მწვრთნელიც ინტერესდება, რომელიც ამჟამად "რეალ სოსიედადს" წვრთნის. სწორედ დევიდ მოიესის დროს გამოჩნდა ადნანი "იუნაიტედის" პირველ გუნდში.
იანუზაიმ მიმდინარე სეზონში ყველა ტურნირზე "იუნაიტედის" შემადგენლობაში 12 მატჩი ჩაატარა, მაგრამ გუნდში თავის დამკვიდრება ვერ მოახერხა.