ხუან მატამ თანაგუნდელებს მოუწოდა გასულ კვირას განცდილი მარცხისგან მიღებული შოკი დაივიწყონ და ქპრ-სთან მატჩში მოგებათა ახალი სერიის დაწყებას ეცადნონ.

"ოლდ ტრაფორდზე" განცდილი მარცხის შემდეგ "იუნაიტედი" მეოთხე ადგილზე ჩამოქვეითდა, ხოლო დუშან ტადიჩის გოლმა, რომელმაც "იუნაიტედის" 11 მატჩიან წაუგებელ სერიას წერტილი დაუსვა, "საუთჰემპტონს" "წითლების" გადასწრების საშუალება მისცა.

"გასულ კვირას "საუთჰემპტონის" წინააღმდეგ განცდილი მარცხი დიდი იმედგაცრუება იყო, მაგრამ ახლა დროა მომდევნო მატჩისთვის მოვემზადოთ."

"ეს ფეხბურთია, ჩვენ კი აღდგენა უნდა ვცადოთ. რთულ სტადიონზე ვთამაშობთ, "ლოფტუს როუდზე", მაგრამ სამი ქულის მოგებას უნდა ვეცადოთ, რაც წაგების შემდეგ ძალიან გვჭირდება."

"რთული მატჩი იქნება - ქპრ-ს წინააღმდეგ თითოეული გასვლითი შეხვედრა რთულია - მაგრამ შევეცდებით საუკეთესო მხრივ წარმოვაჩინოთ თავი და მანჩესტერში სამი ქულით დავბრუნდეთ." - განაცხადა მატამ.

წყარო: manutd.com