"მანჩესტერ იუნაიტედის" ყოფილმა მწვრთნელმა, დევიდ მოიესმა უარყო გავრცელებული ჭორები იმის შესახებ, თითქოს მას "რეალ სოსიედადში" ადნან იანუზაის იჯარით აყვანა სურს.
"მანჩესტერ იუნაიტედში" მუშაობის დროს ადნან იანუზაი დევიდ მოიესის ერთ-ერთი საყვარელი ფეხბურთელი იყო.
თუმცა ვან გაალის ხელმძღვანელობის ქვეშ სიტუაცია სხვაგავარადაა.
მიმდინარე სეზონში ადნან იანუზაიმ "იუნაიტედის" რიგებში 11 მატჩი ჩაატარა, 4-ჯერ ძირითადში, ხოლო 7-ჯერ შეცვლაზე გამოსვლით. პრესა კი აქტიურად აცხადებს, რომ იანუზაი სათამაშო პრაქტიკის ძიებაშია და სხვა კლუბში გადასვლას ცდილობს.
"ამის შესახებ წამიკითხავს, მაგრამ არ ვიცი საიდან მოდის ეს ინფორმაცია. ჩემგან ნამდვილად არა."
"უეინ რუნისთან ერთად ადნანი არის საუკეთესო ახალგაზრდა ფეხბურთელი, რომელთანაც მიმუშავია."
"დააკვირდით, რა ადვილად და თავდაჯერებულად მოქმედებს მოედანზე. უკვე ვთქვი, რომ თავისი თამაშით კრუიფს მახსენებს." - განაცხადა მოიესმა.