დეკემბრის თვის საუკეთესო ფეხბურთელი და ამავე თვის საუკეთესო გოლის ავტორი, უეინ რუნი მოხარულია პრიზის მოგებით და აცხადებს, რომ მომავალშიც სურს ფორმის შენარჩუნება, რათა გუნდს დაეხმაროს.

ორივე პრიზის მოგებას გილოცავთ უეინ. როგორ უყურებთ დეკემბერში თქვენს თამაშს გოლებისა და საგოლე პასების ჩათვლით?

დეკემბერი ყოველთვის რთული თვეა და როგორც ფეხბურთელმა და გუნდმა მას უნდა გაუძლო, რადგან ფიზიკურად ძალიან მომთხოვნია. ვფიქრობ, კარგად ვითამაშეთ და მე რამდენიმე გოლი გავიტანე ნახევარდაცვიდან. დიდებულია თავის გამოჩენა და გოლების შექმნა.

დეკემბერი ყოველთვის გამოცდის დროა, მაგრამ არის ეს თვე, როცა თქვენ რამდენიმე დღის შუალედში უამრავი მატჩის ჩატარებით სიამოვნებას იღებთ?

არა, ყოველ ორ დღეში არა! რა თქმა უნდა, ეს დიდებული დროა თამაშების ჩასატარებლად და შობის პერიოდი კარგია გულშემატკივრისთვისაც, რომელთაც საკუთარი გუნდის მატჩების ყურება უყვართ. როგორც უკვე ვთქვი, ფიზიკურად მომთხოვნია, ასე რომ, ძალების აღდგენა ძალიან მნიშვნელოვანია, რათა დავრწმუნდეთ, რომ მომდევნო მატჩისთვის მზად ვართ.

ბოლო რამდენიმე მატჩში მწვრთნელმა ნახევარდაცვაში გაგამწესათ - რამდენად იღებთ სიამოვნებას როლისგან, რომლის შესრულებისას მსაჯის პირველი სასტვენიდან უკანასკნელ სასტვენამდე მთელ მოედანზე მოქმედებთ?

რა თქმა უნდა, ჩემთვის განსხვავებულია, მაგრამ ეს არის როლი, რომელიც მწვრთნელმა დამაკისრა და მისი საშუალებით წინ წასვლაც შემიძლია. დარწმუნებული უნდა იყო, რომ დაცვითი ფუნქციები კარგად შეითავსე, რადგან მოედანზე ეს ძალიან მნიშვნელოვანი პოზიციაა. ვცდილობ, ყველაფერი გავაკეთო რაც შემიძლია. იმედია, ამის გაკეთებას, სწავლასა და გაუმჯობესებას გავაგრძელებ.

"ლივერპულის" კარში თვის საუკეთესო გოლის შესახებ გვითხარით.

ეს იყო ანტონიო ვალენსიას შესანიშავი თამაში. უკნიდან ვბრუნდებოდი, მან დამინახა და პასი მომაწოდა, რის შემდეგ მომენტი დავასრულე. "ლივერპულის" წინააღმდეგ გატანა დიდებული გრძნობა იყო.

მიმდინარე სეზონის გოლებში ამ გოლს რა რეიტინგს მიუჩენდით?

გოლების გატანა მიყვარს და "ლივერპულის" წინააღმდეგ გატანა ჩემთვის და ამ კლუბისთვის ყოველთვის მშვენიერია. აუცილებლად რეიტინგის სათავეში.



წყარო: manutd.com