"მანჩესტერ იუნაიტედის" ლეგენდამ , რაიან გიგზმა "ქპრ-ს" თავის კარიერაში "ლოფტუს როუდზე" სულ სამი გოლი გაუტანა და სამივე მათგანი განსაკუთრებული იყო.

დიდებულმა უელსელმა თავისი პირველი გოლი 1993 წელს გაუტანა ლონდონელებს, როცა თავის თანამემამულეს, ტონი რობერტსს თავზე გადაუგდო ბურთი.

მომდევნო სეზონში გიგზმა გაიტანა გოლი, რომელიც მეხსიერებიდან არასდროს წაიშლება. ნახევარდაცვაში ყოფილი "ეშმაკის" უილკინსის მოტყუების შემდეგ გიგზმა არაერთი მანევრი გააკეთა და მასპინძელთა მეკარეს, იან სტეისკალს შანსი არ დაუტოვა.

"იუნაიტედის" მაისურით ყველაზე მეტი მატჩის ჩამტარებელმა თავისი კლუბის რიგებში უკანასკნელი გოლი 2013 წელს სწორედ ლონდონელებს გაუტანა, როცა ჟულიო სეზარს საოცარი სიძლიერით დაურტყა.



წყარო: manutd.com