"რომას" პრეზიდენტმა, ჯეიმს პალოტამ განაცხადა, რომ კევინ სტროოტმანს მხოლოდ დიდძალი თანხის სანაცვლოდ გაყიდის.

"მანჩესტერ იუნაიტედის" მთავარ მწვრთნელს, ლუი ვან გაალს დიდი ხნის განმავლობაში აკავშირებენ მისი თანამემამულის სახელთან. პრესის ცნობით "იუნაიტედი" კევინის შეძენას ზაფხულში ცდილობდა, მაგრამ ჰოლანდიელი სპეციალისტი კევინის ტრავმამ დააყოვნა.

სტროოტმანმა უკვე მოიშუშა დაზიანება და "რომას" რიგებშიც დაბრუნდა, ვან გაალი კი მის მიმართ ინტერესს ანახლებს, რამეთუ სჯერა, რომ ჰოლანდიელი ჩვეულ დონეზე თამაშს შეძლებს.

"რომას" პრეზიდენტი მზადაა ვან გაალს ფეხბურთელი მიჰყიდოს, თუმცა ამისთვის დიდძალ თანხას ითხოვს.

"ჩვენთვის ყველაზე მნიშვნელოვანი ძლიერი გუნდის შექმნაა, რომელიც წარმატებას აღწევს. მაგრამ ამასთან ერთად ჩვენ ვართ ბიზნესმენებიც."

"თუ ჩვენი ფეხბურთელის სანაცვლოდ ვინმე ფანტასტიურ თანხას შემოგვთავაზებს, წინადადებით დავინტერესდებით. სავალდებულო არ არის ჩვენთან შემოსულ ყოველ შემოთავაზებას უარყოფითად ვუპასუხოთ."

"პირადად მე არ მსურს კევინთან განშორება. მაგრამ თუ მისი ტრანსფერის სანაცვლოდ ვინმე კარგ ფულს შემოგვთავაზებს, დავინტერესდებით. ჩვენ ვხელმძღვანელობთ გუნდს და სწორედ მისი ინტერესებიდან გამომდინარე უნდა ვიქცეოდეთ, არათუ ერთი ადამიანის ინტერესიდან გამომდინარე."

"კევინის ტრანსფერის თაობაზე პრესაში ჭორები მიწყდა, მაგრამ ეს უფრო იმას უკავშირდება, რომ კევინის განცხადებით, "რომაში" ის ბედნიერია. თუმცა არც მე მითქვამს ოდესმე, რომ მისი გაყიდვა მინდა." - განაცხადა პალოტამ.

წყარო: redevils.ru