15-01-2015, 04:40

ნანახია: 1934,

კომენტარები: 8

"იუნაიტედს" დიბალა სურს

"ეშმაკები" ახალგაზრდა არგენტინელით ინტერესდებიან.

"პალერმოს" თავდამსხმელმა, პაოლო დიბალამ "მანჩესტერ იუნაიტედის" ყურადღება მიიპყრო, იტყობინება იტალიური კლუბის პრეზიდენტი მაურო ძაპარინი, მაგრამ მისივე თქმით, ახალგაზრდა მოთამაშე ზაფხულამდე კლუბში დარჩება.

21 წლის დიბალას, რომელსაც "ახალი სერხიო აგუეროდ" მოიაზრებენ, ძაპარინმა უკვე დაადო სატრანსფერო ფასი. იტალიელებს 2012 წელს დიბალას გაფორმება 9 მილიონი დაუჯდათ, ახლა კი 31 მილიონ ფუნტს აფასებენ. მიმდინარე გათამაშებაში, დიბალამ 17 მატჩის ჩატარება შეძლო და 9 გოლი გაიტანა, რამაც გამოიწვია "იუნაიტედის" ინტერესი.

"დიბალა ღირს 40 მილიონი ევრო, მაგრამ მის გაყიდვას ივნისამდე არ ვაპირებ. მისით ბევრი უცხოური კლუბი ინტერესდება, მათ შორის იუნაიტედიც"

"მე ვუთხარი ინგლისურ მხარეს, რომ ის არ იყიდება ახლა, მაგრამ ჩვენ შეგვიძლია ამ თემაზე ექვსი თვის შემდეგ ვისაუბროთ. ჩემი აზრით, ამ მომენტში დიბალა არის საუკეთესო ახალგაზრდა თავდამსხმელი ევროპის მაშტაბით." - განაცხადა ძამპარინიმ ადგილობრივ რადიოსთან ინტერვიუში.

"მანჩესტერ იუნაიტედის" თავკაცი, ლუის ვან გაალი დიბალას შეძენას გეგმავს, რადგან მის მიერ იჯარით აყვანილმა რადამელ ფალკაომ ვერ მოახდინა გავლენა პრემიერ ლიგაზე. კოლუმბიელის მოღვაწეობას ჯერჯერობით ხელს უშლის ხშირი ტრამვიანობა.