კოლუმბიელმა ლეგენდამ, ფაუსტინო ასპრილამ განაცხადა, რომ ლუი ვან გაალისა და რადამელ ფალკაოს ურთიერთობა გაფუჭდა და მისი თანამემამულე "ოლდ ტრაფორდს" იჯარის ვადის ამოწურვის შემდეგ დატოვებს.

"საუთჰემტონთან" მატჩში ფალკაო ბოლო ექვს თამაშში პირველად ვერ მოხვდა სასტარტო შემადგენლობაში. უარესი - ის განაცხადშიც კი არ იყო. ამ თემაზე სასაუბროდ კი ვან გაალი და ფალკაო ერთმანეთს ორშაბათს კერინგტონზე შეხვდნენ.

სერიოზული ეჭვი გაჩნდა იმის თაობაზე, მართლაც სურს თუ არა "იუნაიტედს" ფალკაოს ტრანსფერის გამოსყიდვა. ფეხბურთელის აგენტმა, ხორხე მენდეშმა კი განაცხადა, რომ მისმა კლიენტმა შესაძლოა კლუბი დატოვოს და რეგულარული სათამაშო დროის გამო სხვა გუნდში გადაბარგდეს.

ასპრილა, რომელმაც "ნიუკასლში" 90-ან წლებში ორი დიდებული სეზონი გაატარა, ვან გაალსა და ფალკაოს შორის არსებულ უთანხმოებაზე საუბრობს და აცხადებს, რომ კოლუმბიელი ფორვარდი "ოლდ ტრაფორდს" დატოვებს.

"თუ ვან გაალი ასე გააგრძელებს, ფალკაო წავა. ვფიქრობ, ეს ურთიერთობის ბრალია, რომელიც უკვე გაფუჭდა. ფალკაოს ესმის, რომ მწვრთნელს ის არ სურს."

"მახსოვს, როცა "ნიუკასლში" მივედი, კევინ კიგენს ვსურდი. ის მხარს მიჭერდა და აქ სწორედ ის ჩანს, რომ ვან გაალი ფალკაოს არ ენდობა."

"სამწუხაროა იმის ხილვა, თუ როგორ ტანჯავს ფალკაოს. პრობლემა არ არის რადამელი, პრობლემა მწვრთნელია. ფალკაოს მიმდინარე სეზონის დასაწყისში ტრავმა ჰქონდა, მაგრამ ამის შემდეგ აჩვენა, რომ ის იგივე ტოპ-კლასის ფორვარდია, რაც მანამდე იყო."

"მან 5 მატჩი ითამაშა და გოლი გაიტანა. ეს კი მას თავდაჯერებულობას მატებს. რამდენიმე მატჩის მაღალ დონეზე ჩატარების შემდეგ მოულოდნელი იყო ის, რომ ფალკაომ თამაში შეწყვიტა."

"სიმართლე ის არის, რომ არ ვიცი რის მიღწევა სურს ვან გაალს "იუნაიტედში" და ვფიქრობ, ფეხბურთებიცა და ფანებიც შეწუხებულნი არიან. ის ძალიან ბევრ შეცვლას ახორციელებს, თანაც უმიზეზოდ." - განაცხადა ასპრილამ.

წყარო: dailymail