"მანჩესტერ იუნაიტედის" ნახევარმცველი, დეილი ბლინდი გუნდში გადმოსვლისთანავე შემადგენლობის უცვლელი წევრი გახდა, მაგრამ ლატვიისა და ჰოლანდიის ნაკრებების ამხანაგურ დაპირისპირებაში იანვარში მიღებული ტრავმის გამო მას დიდი დრო გაუცდა.

"ძალიან იმედგაცრუებული ვიყავი. ტრავმას ვერაფრით დავაღწიე თავი. ვიღაც მუხლზე დამეცა. ეს არც კუნთოვანი ტრავმა იყო და არც დაზიანება, რომელსაც დაღლილობის გამო იღებენ. სამწუხაროდ, უბრალოდ არ გამიმართლა."

"შეიძლებოდა უფრო ცუდი რამ მომხდარიყო, მაგრამ ვცდილობდი პოზიტიურად მეაზროვნა და ყოველ დღე ვმუშაობდი, რათა მწყობრში ახალი ძალებით დავბრუნებულიყავი. ყველაფრის ახლიდან დაწყების იმედი მაქვს."

"თუ ამ ტრავმას არ ჩავთვლით, შემიძლია ვთქვა, რომ ჯანმრთელობას არასდროს დავუღალატებივარ და იმედი მაქვს, რომ მომავალშიც ყველაფერი კარგად იქნება. ამ დაზიანებისგან აღდგენა არც თუ ადვილი იყო, მაგრამ თანაგუნდელები დამეხმარნენ, ისინი ყოველ დღე და ყოველ კვირას მხარს მიჭერდნენ. გუნდში თავს ისე ვგრძნობ, როგორც სახლში."

ბლინდმა სოციალურ ქსელში არაერთი გამამხნევებელი შეტყობინება მიიღო, განსაკუთრებით მას შემდეგ, რაც "იუნაიტედის" ოფიციალურმა "თვითერმა" ვან გაალის სიტყვების არასწორი გავრცელება განახორციელა და დაწერა, რომ ბლინდი 6 თვეს გამოტოვებდა.

"სასიამოვნო იყო თბილი სიტყვების წაკითხვა არა მარტო "იუნაიტედის" ქომაგების, არამედ ჩემი ყოფილი კლუბის, "აიაქსის" გულშემატკივართაგანაც. ყველა მიჭერდა მხარს. დაუჯერებელი გრძნობა - ეს მეხმარება ყოველ დღე გაორმაგებული ძალით ვიმუშავო, როცა იმედგაცრუებული ვარ საკუთარი დაზიანების გამო."

წყარო: carrick.ru