ჰოლანდიელი ნახევარმცველი, დეილი ბლინდი ამტკიცებს, რომ ლუი ვან გაალის მიერ გაღებული ხარჯები გუნდს კიდევ უფრო აძლიერებს.

დევიდ მოიესისგან ლუი ვან გაალმა ჩაიბარა გუნდი, რომლის საერთო ღირებულება 200 მლნ. ფუნტი იყო, შემდეგ კი 150 მლნ. ტრანსფერებისთვის დახარჯა.

ბრაზილიაში მსოფლიო ჩემპიონატზე წარმატებული გამოსვლის შემდეგ "იუნაიტედმა" "აიაქსისგან" 14 მლნ. ფუნტის სანაცვლოდ დეილი ბლინდი შეიძინა.

24 წლის ფეხბურთელს სჯერა, რომ ვან გაალი გუნდს სწორად აშენებს და შემადგენლობაში მოხვედრისთვის ფეხბურთელებს შორის დიდი კონკურენციის არსებობა გუნდს მხოლოდ აძლიერებს.

"დიახ, ახალ ფეხბურთელებზე დიდი თანხა დაიხარჯა, მაგრამ მწვრთნელმა თქვა, რომ საჭიროა ყოველდრიურად ვივარჯიშოთ, საკუთარი თავი საუკეთესო მხრივ წარმოვაჩინოთ და ყველას ვაჩვენოთ, რომ თამაში ნამდვილად გვსურს."

"ჩვენ ერთი გუნდი ვართ. საერთო მიზნებისთვის უნდა ვმოქმედებდეთ და ვითამაშოთ იმ შემადგენლობით, რასაც მწვრთნელი აირჩევს. ერთმანეთს ყველა მხარს ვუჭერთ, გუნდში დიდებული ატმოსფეროა." - განაცხადა ბლინდმა.

წყარო: carrick.ru