სალამი ყველას!

დამიჯერეთ, კვირას განცდილი მარცხის შემდეგ ჩემთვის ადვილი არ არის ჩემს ბლოგში წერა, მაგრამ არ მინდა თქვენთან ურთიერთობის ყოველკვირეული ტრადიცია დავარღვიო. წაგება - ეს ფეხბურთის ნაწილია და ძალიან მნიშვნელოვანია მათი მიღება, ანალიზირება და თამაშის გაუმჯობესებისთვის ყველაფრის გაკეთება.

გამოგიტყდებით, არ ვფიქრობ, რომ ამ მარცხს ვიმსახურებდით. ნამდვილად არ ყოფილა ყველაზე საინტერესო თამაში. ისინი მოედანზე სწორად განლაგდნენ და კარგად იცავდნენ თავს, ამიტომ მომენტების შექმნა ჭირდა. თუმცა მატჩს მაინც ჩვენ ვაკონტროლებდით. მატჩის პირველი ნახევარი ცუდად ჩავატარეთ. ნელი თამაში იყო და გადაჭარბებულად ტაქტიკური. მაგრამ ბურთის დიდი ხნით დაუფლებას ვცდილბდით და მოწინააღმდეგის ნახევარზე თავისუფალ ზონებს ვეძებდით.

"საუთჰემპტონმა" შესვენების შემდეგ გაიტანა. თავიანთი მცირერიცხოვანი შანსებიდან ერთ-ერთი გამოიყენებს, მას შემდეგ, რაც ბურთი ძელმა აისხლიტა, შემდეგ კი ვეცადეთ ყველაფერი გაგვეკეთებინა, რათა ანგარიში გაგვეთანაბრებინა. ვფიქრობ, გოლს ვიმსახურებდით.

უკანასკნელ 20 წუთში გოლის გატანის შესაძლებლობა გვქონდა. მხოლოდ მე სამი მომენტი მქონდა, მაგრამ ისეთი შეგრძნება დამეუფლა, თითქოს ბურთს კარში შესვლა არ სურდა. ძალიან მნიშვნელოვანი იყო კარში დარტყმა - მგონია, რომ მოგება შეგვეძლო. მატჩის უკანასკნელ წუთამდე ყველაფერს ვაკეთებდი, რაც შემეძლო, მაგრამ ანგარიშის გათანაბრება ვერ მოვახერხეთ. შემდეგში ყველაფერი სხვაგვარად იქნება, ამის მჯერა.

ნებისმიერ შემთხვევაში, ახლა ერთადერთ რამეა მთავარი - მომდევნო შეხვედრაში გამარჯვებას და მნიშვნელობა არ აქვს ვინ გაიტანს. "ქპრ-ს"-თან გასვლითი შეხვედრა გველოდება, რაც ადვილი არ იქნება. ლონდონურ გუნდს ქულები სჭირდება, ვიცით, რომ გამარჯვების გზაზე უნდა დავბრუნდეთ.

მინდა კიდევ ერთხელ გადაგიხადოთ მადლობა მხარდაჭერისთვის. დღეს მარცხის გამო იმედგაცრუებულნი ვართ, მაგრამ გჯეროდეთ, რომ ჩემპიონატის დასასრულამდე თითოეულ შეხვედრაში ვიბრძოლებთ და ჩვენი მიზნისკენ ვივლით.

გეხვევით,

ხუანი

წყარო: juanmata8.com