ლუი ვან გაალმა კიდევ ერთხელ შეძლო ყველას გაოცება: ამჯერად განაცხადშიც კი ვერ მოხვდა რადამელ ფალკაო, რომელიც ზედიზედ 5 მატჩის განმავლობაში გამოდიოდა სასტარტო შემადგენლობაში.

გამოჯანმრთელებულმა დეილი ბლინდმა მარცხენა ცენტრალური მცველის პოზიცია დაიკავა, ხოლო დი მარია ვან პერსისთან ერთად თავდასხმის ხაზში გადავიდა.



საგოლე მომენტები

"იუნაიტედმა" პირველი სახიფათო მომენტი 41-ე წუთზე ვან პერსისა და რუნის დახმარებით შექმნა. სამწუხაროდ, რობინის დარტყმა დაბლოკეს, მაგრამ ხუანს მაინც შეეძლო ანგარიშის გახსნა.

როცა ბურთი ჰაერში იმყოფებოდა, მატამ მსაჯს მცველის მიერ ხელით თამაშისკენ მიუთითა. ნათელია, მან რამდენიმე წამი დაკარგა და შეეძლო ამ ეპიზოდში უფრო აქტიურად ეთამაშა.



დააკვირდით, ხუანს ბურთამდე სულ მცირე მანძილი აშორებს.



არ შეიძლება ამ ეპიზოდში ყურადღების მიღმა დავტოვოთ ნომინალური თავდამსხმელი, დი მარია, რომელიც ეპიზოდს სრულიად გამოეთიშა.



მეორე ტაიმის დასაწყისში ვალენსიას ბრწყინვალე პასის შემდეგ დი მარია კონტრშეტავაზე გაიქცა. მოწინააღმდეგის საჯარიმოში შესვლისას, სადაც მას ორი მცველი შეხვდა, ანხელ სხვა არაფერი დარჩენოდა, თუ არა შეტევის გადაცემით გაგრძელება, რაც გააკეთა კიდეც და ვან პერსის მიაწოდა ბურთი.

პრობლემა მხოლოდ იმაშია, რომ ეს გადაცემა ორ მცველს შორის უნდა გასულიყო. შეგიძლიათ წარმოიდგინოთ, ასეთ პასს რა შანსი ჰქონდა.

მოცემულ მომენტში შეიძლებოდა და საჭირო იყო უფრო კარგად თამაში - ვან პერსის უკან რუნი მორბის (სქრინშოტზე არ ჩანს).



დააკვირდით, როგორი ზონა გათავისუფლდა რუნისთვის. ამ პოზიციიდან კი რუნის შეეძლო მეტოქის კარი დაეცხრილა.





გაშვებული გოლის შემდეგ "იუნაიტედმა" სამი მომენტი შექმნა და სამივე შემთხვევაში დასრულებით სტადიაზე ხუან მატა იმყოფებოდა. 100%-ან მომენტთან ალბათ უფრო პირველი ეპიზოდი იყო ახლოს, როცა ხუანმა ფორსტერის შეცდომის შემდეგ დაარტყა კარისკენ. სხვა შემთხვევებში ბურთზე ფეხის დარტყმა საკმაოდ რთული იყო და გატანილი გოლი გამართლებად ჩაითვლებოდა.

"საუთჰემპტონის" გოლი

61-ე წუთზე ვან პერსი ტრავმის გამო ერერამ ჩაანაცვლა; შესაბამისად, რუნი შეტევაში გადავიდა და მისი ადგილი ანდერმა დაიჭირა.

72-ე წუთზე ფელაინიმ თავდამსხმელის პოზიციაზე ანხელ დი მარია შეცვალა.

მთავარი ცვლილება კი მოხდა 64-ე წუთზე, როცა შოუ ბლეკეთიც შეიცვალა. ამ მომენტში დაცვაში შესაბამისი ცვლილებები მოხდა: ბლინდი ფლანგზე გადავიდა, სადაც გასული შოუს ადგილი დაიჭირა, ხოლო ბლეკეტი ბლინდის ადგილზე დადგა - მარცხენა ცენტრალურ მცველად.



ბლეკეტის გამოსვლიდან 5 წუთის შემდეგ "იუნაიტედმა" გოლი გაუშვა.

ფორსტერი ბურთს იგერიებს და ბლეკეტთან ორთაბორძოლის შემდეგ "საუთჰემპტონის" თავდამსხმელმა მოედნის ცენტრში მდგომ პარტნიორს გადააწოდა ბურთი, რომლის მეურვებოდა კერიკს ევალებოდა.



გაგრძელება