რობინ ვან პერსი გამოტყდა, რომ მან დამალა დაზიანება, რომელსაც შეეძლო მსოფლიო ჩემპიონატის მიღმა დაეტოვებინა.

"როცა გუნდთან ერთად რიო-დე-ჟანეიროსკენ მიმავალ თვითმფრინავში ჩავჯექი, ძალიან ვღელავდი. გულწრფელად ვაღიარებ - თავს ცუდად ვგრძნობდი. სეზონის უკანასკნელი 6 თუ 7 კვირა ტრავმის გამო გამოვტოვე და მხოლოდ სანაკრებო დონეზე ამხანაგურ მატჩებში გამოვდიოდი, სადაც 70 წუთს ვთამაშობდი."

"მწვრთნელს უნდოდა, რომ ყველაფერი მეჩვენებინა, რაც შემეძლო. მაგრამ, როცა უელსის ნაკრების წინააღმდეგ მატჩში ბარძაყის მიდამოში ტკივილი ვიგრძენი, აგონიაში ჩავვარდი."

"შესვენებაზე მწვრთნელთან მივედი და ვუთხარი: "მინდა ყველაფერი გაჩვენოთ, რაც შემიძლია, მაგრამ ახლა ამისთვის მზად არ ვარ". ეს ყველაფერი მსოფლიო ჩემპიონატის დაწყებამდე ერთი კვირით ადრე მოხდა."

"ამ დაზიანების შესახებ მხოლოდ მე, ლუი ვან გაალმა და ნაკრების ექიმმა ვიცოდით. მეტს არავის არ უნდა სცოდნოდა, რადგან სასწორზე ძალიან ბევრი რამ იდო. ხანდახან ამის გაკეთება საჭიროა."

"თუ გავითვალისწინებთ იმას, რაც გადამხდა იმ დროს მსოფლიო ჩემპიონატის დაწყებამდე, გასაგებია რამდენად მნიშვნელოვანი იყო ჩემთვის ესპანეთის კარში გატანილი გოლი. სათადარიგოთა სკამთან იმიტომ მივირბინე, რომ მის უკან ჩემი ცოლი და შვილი ისხდნენ. რა თქმა უნდა არ შემეძლო ლუი ვან გაალისთვის მადლობა არ გადამეხადა მხარდაჭერის გამო. დიდებული მომენტი იყო. მინდოდა სიხარული ყველასთვის გამეზიარებინა."

წყარო: redevils.ru