ლუი ვან გაალმა განაცხადა, რომ "საუთჰემპტონთან" წაგებულ მატჩში რობინ ვან პერსი ტერფის ტრავმის გამო იქნა შეცვლილი.

ჰოლანდიელი თავდამსხმელი მე-60 წუთზე ანდერ ერერამ შეცვალა.

მატჩის შემდგომი პრეს-კონფერენციის დროს ვან გაალმა ჟურნალისტებს უთხრა, რომ ვან პერსის ტერფის ტრავმა აღმოაჩნდა და მისი შეცვლის მიზეზი მხოლოდ ეს იყო.

ჰოლანდიელმა მწვრთნელმა დი მარია და ლუკ შოუც შეცვალა, რის გამოც ჟურნალისტმა ასევე ჰკითხა, ჰქონდათ თუ არა მათ ტრავმის პრობლემა, რაზეც მან უპასუხა:

"შოუს ტრავმა არ მიუღია, მაგრამ მას ჯერ კიდევ სჭირდება მატჩის რიტმი. ასევეა დი მარიაც, არც მას აქვს ტრავმა, მაგრამ ფორმაში ჩადგომა სჭირდება. სწორედ ამიტომ შევცვალე.

ჩვენ რა თქმა უნდა გვყავს ფეხბურთელები, რომლებიც გვიბრუნდებიან, მაგრამ მათ ფორმაში ჩადგომა ესაჭიროებათ. ადვილი არ არის პრემიერ ლიგაში თამაში, ასე რომ ვითარებას უნდა შევეგუო." - განაცხადა ვან გაალმა.

წყარო: manutd.com